मुंबई-गोवा महामार्गावर दोन भीषण अपघात; १३ ठार, २३ जखमी

सिंधुदुर्ग | Sindhudurg

मुंबई-गोवा महामार्गावर (Mumbai-Goa Highway) आज दोन भीषण अपघात झाले आहेत. पहिला अपघात कार आणि ट्रकचा झाला असून यात 9 जणांचा मृत्यू झाला आहे...

तर दुसरा अपघात खासगी बसचा (Bus Accident) झाला असून यात चार जणांचा मृत्यू झाला आहे. तर 23 जण जखमी झाले आहेत. जखमींना उपचारासाठी तत्काळ रुग्णालयात दाखल करण्यात आले आहे.

आज पहाटे चार वाजता गडनदी पूलाच्या धोकादायक वळणावर चालकाचा वाहनावरील ताबा सुटून हा अपघात झाल्याची माहिती मिळत आहे. बसमध्ये एकूण 36 प्रवासी असल्याचे समजते.

खासगी बस मुंबईहून गोव्याच्या दिशेने जात होती. आज पहाटे चार वाजता गडनदी पूलाच्या धोकादायक वळणावर चालकाचा वाहनावरील ताबा सुटला आणि बस उलटली. अपघातात चार प्रवासी ठार तर 23 जण जखमी झाले आहेत.

अपघाताची माहिती मिळताच स्थानिकांनी घटनास्थळी धाव घेतली. स्थानिकांच्या मदतीने जखमींना उपचारासाठी रुग्णालयात दाखल करण्यात आले आहे.

मुंबई-गोवा महामार्गावर आज आणखी एक अपघात झाल्याचे वृत्त आहे. ट्रक आणि कारच्या अपघातात 9 जण जागीच ठार झाले आहेत. हा अपघात मुंबई, गोवा महामार्गावर गोरेगाव पोलीस स्टेशनच्या हद्दीत रोपोली गावाजवळ झाला आहे.