<p><strong>पुणे - </strong></p><p>पुणे शहरात आज 180 नवे करोना पॉझिटिव्ह रुग्ण आढळले आहेत. पुण्यातील एकूण करोनाबाधितांची संख्या 1 लाख </p>.<p>92 हजार 982 इतकी झाली आहे.</p><p>दिलासादायक बाब म्हणजे आज एकाही रुग्णांचा मृत्यू झाला नाही. कालपर्यंत पुण्यात 4 हजार 774 मृत्यू झाल्याची नोंद आहे. तर आज 265 जणांचे रिपोर्ट निगेटिव्ह आल्याने त्यांना रुग्णालयातून घरी सोडण्यात आले. आजअखेर पुण्यात 1 लाख 86 हजार 801 जण करोनामुक्त झाले आहेत.</p><p>पिंपरी-चिंचवड शहरात आज दिवसभरात 106 करोनाबाधित रुग्णांची नोंद असून, 167 जण करोनामुक्त झाले. तर, उपचार घेत असलेल्या चार रुग्णांचा मृत्यू झाला आहे. पिंपरी-चिंचवड शहरातील एकूण करोनाबाधितांची संख्या 1 लाख 832 वर पोहचली असून यापैकी 96 हजार 44 जण करोनातून बरे झाले आहेत. पिंपरी-चिंचवड महानगर पालिकेच्या रुग्णालयात उपचार घेत असलेल्या अॅक्टिव्ह रुग्णांची संख्या 588 असल्याची माहिती महानगर पालिकेच्या आरोग्य विभागाने दिली आहे.</p>
