<p><strong>मुंबई - </strong></p><p> महाराष्ट्रात आज 9 हजार 927 नवे करोना पॉझिटिव्ह रुग्ण आढळले आहेत तर 12 हजार 182 रूग्ण करोनामुक्त </p>.<p>झाले आहेत. राज्यात आतापर्यंत एकूण 20,89,294 करोनाबाधित रुग्ण बरे होऊन घरी परतले आहेत. राज्यातील रुग्ण बरे होण्याचे प्रमाण (रिकव्हरी रेट) 93.34 टक्के आहे.</p><p>दरम्यान, राज्यात आज 56 करोनाबाधित रुग्णांच्या मृत्यूंची नोंद देखील झाली आहे. त्यामुळे सध्या राज्यातील मृत्यूदर 2.35 टक्के एवढा झालेला आहे.</p><p>आतापर्यंत तपासण्यात आलेल्या 1,70,22,315 प्रयोगशाळा नमुन्यांपैकी 22,38,398 (13.15 टक्के ) नमुने पॉझिटिव्ह आले आहेत. सध्या राज्यात 4,57,962 व्यक्ती गृहविलगीकरणामध्ये आहेत. तर 3,827 व्यक्ती संस्थात्मक विलगीकरणात आहेत. राज्यात सध्या एकूण 95,322 अॅक्टिव्ह रुग्ण आहेत. आतापर्यंत एकूण 52 हजार 556 रूग्णांचा करोनामुळे मृत्यू झाला आहे.</p>