<p><strong>मुंबई - </strong></p><p>राज्यात आज 6 हजार 281 नवे करोना पॉझिटिव्ह रुग्ण आढळले आहेत तर 40 करोना बाधित रुग्णांच्या मृत्यूंची नोंद झाली </p>.<p>आहे. आतापर्यंत करोनाने एकूण 51 हजार 753 जणांचा मृत्यू झाला आहे. राज्यातील करोना मृत्यूदर सध्या 2.47 टक्के इतका आहे. आज राज्यात 6 हजार 281 नवीन रुग्णांचे निदान झाले आहे तर 2 हजार 567 रुग्ण बरे होऊन घरी परतले आहेत. </p><p>राज्यात आजपर्यंत एकूण 19 लाख 92 हजार 530 करोना बाधित रुग्णांनी करोनावर मात केली आहे. यामुळे राज्यातील रुग्ण बरे होण्याचे प्रमाण 95.16% इतके झाले आहे.</p><p> आजपर्यंत तपासण्यात आलेल्या 1 कोटी 56 लाख 52 हजार 742 प्रयोगशाळा नमुन्यांपैकी 20 लाख 93 हजार 913 (13.38 टक्के ) नमुने पॉझिटिव्ह आले आहेत. सध्या राज्यात 2 लाख 28 हजार 60 व्यक्ती होमक्वारंटाइनमध्ये आहेत तर 1 हजार 610 व्यक्ती संस्थात्मक क्वारंटाइनमध्ये आहेत. राज्यातील अॅक्टिव्ह रुग्णांचा आकडा वाढत आहे. काही दिवसांपूर्वी 30 हजारपर्यंत खाली आलेली अॅक्टिव्ह रुग्णांची संख्या आता 48 हजार 439 इतकी झाली आहे.</p>
