<p><strong>मुंबई -</strong> </p><p>महाराष्ट्रातील रुग्ण बरे होण्याचे प्रमाण (रिकव्हरी रेट) 94.4 टक्के इतके झाले आहे. राज्यात आज 4 हजार 501 करोना रुग्ण बरे झाल्याने त्यांना डिस्चार्ज देण्यात आला.</p>.<p>आतापर्यंत एकूण 18 लाख 14 हजार 449 रुग्ण करोनामुक्त झाले आहेत. तर आज 2 हजार 498 नवे करोना पॉझिटिव्ह रुग्ण आढळले आहेत. तर राज्यात आज 50 करोना बाधित रुग्णांचा मृत्यू झाला आहे. राज्यातील मृत्यू दर हा 2.57 टक्के इतका झाला आहे. महाराष्ट्र शासनाच्या आरोग्य विभागाने ही माहिती दिली आहे.</p><p>आजपर्यंत तपासण्यात आलेल्या 1 कोटी 25 लाख 43 हजार 772 प्रयोगशाळा नमुन्यांपैकी 19 लाख 22 हजार 48 नमुने पॉझिटिव्ह आले आहेत. राज्यात सध्या 4 लाख 52 हजार 535 व्यक्ती होम क्वारंटाइन आहेत. तर 3 हजार 138 व्यक्ती संस्थात्मक क्वारंटाइन आहेत. राज्यात आज घडीला 57 हजार 159 अॅक्टिव्ह रुग्ण आहेत. आज राज्यात 2 हजार 498 नव्या रुग्णांची नोंद झाली आहे. त्यामुळे करोना बाधित रुग्णांची एकूण संख्या 19 लाख 22 हजार 48 झाली आहे.</p><p>आज नोंद झालेल्या 50 मृत्यूंपैकी 22 मृत्यू हे मागील 48 तासातील आहेत. तर पाच मृत्यू मागील आठवड्यातील आहेत. उर्वरित 23 मृत्यू हे एक आठवड्यापेक्षा अधिक कालावधीपूर्वीचे आहेत. अशीही माहिती महाराष्ट्र शासनाच्या आरोग्य विभागाने दिली आहे.</p>
