<p><strong>मुंबई -</strong> </p><p>राज्यात आज 4 हजार 122 करोना रुग्ण बरे झाल्याने त्यांना डिस्चार्ज देण्यात आला आहे आतापर्यंत एकूण 17 लाख 94 हजार 80 रुग्ण करोनामुक्त झाले आहेत. त्यामुळे</p>.<p>राज्यातील रुग्ण बरे होण्याचे प्रमाण अर्थात रिकव्हरी रेट हा 94. 3 टक्के इतका झाला आहे. आज राज्यात 3 हजार 106 नवे करोना पॉझिटिव्ह रुग्ण आढळले आहेत. तर राज्यात आज 75 मृत्यूंची नोंद झाली आहे. राज्यातील मृत्यूदर आज घडीला 2.57 टक्के इतका आहे. महाराष्ट्र शासनाच्या आरोग्य विभागाने ही माहिती दिली आहे.</p><p>आजपर्यंत तपासण्यात आलेल्या 1 कोटी 22 लाख 12 हजार 384 प्रयोगशाळा नमुन्यांपैकी 19 लाख 2 हजार 458 नमुने पॉझिटिव्ह आले आहेत. सध्या राज्यात 4 लाख 94 हजार 815 व्यक्ती होम क्वारंटाइन आहेत. तर 3 हजार 660 व्यक्ती संस्थात्मक क्वारंटाइन आहेत. सध्या राज्यात 58 हजार 376 रुग्णांवर उपचार सुरु आहेत.</p><p>आज राज्यात 3 हजार 106 नव्या रुग्णांची नोंद झाली आहे. त्यामुळे राज्यातील करोना बाधित रुग्णांची एकूण संख्या 19 लाख 2 हजार 458 इतकी झाली आहे. आज नोंद झालेल्या 75 मृत्यूंपैकी 42 मृत्यू हे मागील 48 तासांमधले आहेत. तर 16 मृत्यू हे मागील आठवड्यातील आहेत. उर्वरित 17 मृत्यू हे एक आठवड्यापेक्षा कमी कालावधीपूर्वीचे आहेत. हे 17 मृत्यू औरंगाबाद-4, गोंदिया-3, सांगली-3, नागपूर-2, पुणे-2, सोलापूर-1, वर्धा-1 आणि नाशिक-1 असे आहेत. महाराष्ट्र शासनाच्या आरोग्य विभागाने ही माहिती दिली आहे.</p>
