<p><strong>मुंबई - </strong></p><p>राज्यात आज 6 हजार 53 करोना रुग्ण बरे झाल्याने त्यांना डिस्चार्ज देण्यात आला आहे. आतापर्यंत राज्यात एकूण 17 लाख 89 हजार 958 रुग्ण </p>.<p>करोनामुक्त झाले आहेत. त्यामुळे महाराष्ट्रातील रुग्ण बरे होण्याचे प्रमाण अर्थात रिकव्हरी रेट हा 94.24 टक्के झाला आहे. आज राज्यात 2 हजार 834 नवे रुग्ण पॉझिटिव्ह आढळले आहेत. तर राज्यात आज 55 मृत्यूंची नोंद झाली आहे. राज्यातील मृत्यू दर 2.57 टक्के इतका आहे. महाराष्ट्र शासनाच्या आरोग्य विभागाने ही माहिती दिली आहे.</p><p>आजपर्यंत तपासण्यात आलेल्या 1 कोटी 21 लाख 57 हजार 953 प्रयोगशाळा नमुन्यांपैकी 18 लाख 99 हजार 352 नमुने पॉझिटिव्ह आले आहेत. सध्या राज्यात 5 लाख 4 हजार 938 व्यक्ती होम क्वारंटाइन आहेत. तर 3 हजार 579 व्यक्ती संस्थात्मक क्वारंटाइन आहेत. राज्यात आज घडीला 59 हजार 469 रुग्णांवर उपचार सुरु आहेत. आज राज्यात 2 हजार 834 नव्या रुग्णांची नोंद झाली आहे. आता राज्यातील करोना बाधित रुग्णांची एकूण संख्या 18 लाख 99 हजार 352 इतकी झाली आहे.</p><p>आज नोंद झालेल्या एकूण 55 मृत्यूंपैकी 29 मृत्यू हे मागील 48 तासांमधले आहेत. तर 10 मृत्यू हे मागील आठवड्यातील आहेत. उर्वरित 16 मृत्यू हे एक आठवड्यापेक्षा अधिक कालावधीपूर्वीचे आहेत. हे 16 मृत्यू गडचिरोली-7, पुणे-5, औरंगाबाद-1, कोल्हापूर-1, नागपूर-1 आणि नाशिक-1 असे आहेत. महाराष्ट्र शासनाच्या आरोग्य विभागाने ही माहिती दिली आहे.</p>
