<p><strong>पुणे -</strong><em> </em></p><p>पुणे शहरात आज 428 नवे करोना पॉझिटिव्ह रुग्ण आढळले आहेत तर 7 जणांचा मृत्यू झाला आहे अशी माहिती </p>.<p>पुणे महापालिकेच्या आरोग्य विभागाने दिली आहे.</p><p>नोव्हेंबर महिन्यानंतरची शहरातील ही सर्वाधिक रूग्णवाढ आहे. शहरातील करोना तपासणीचे प्रमाणही बुधवारी वाढले असून, शहरातील 17 स्वॅब सेंटरवर दिवसभरात 4 हजार 304 जणांची तपासणी करण्यात आली आहे. </p><p>शहरातील सक्रिय रूग्ण संख्या 1 हजार 881 वर गेली असून, 290 रूग्ण हे ऑक्सिजनसह उपचार घेत आहेत. तर विविध रूग्णालयांमध्ये 145 गंभीर रूग्णांवर उपचार सुरू आहेत़ आज दिवसभरात 7 जणांचा मृत्यू झाला असून, यापैकी 3 जण पुण्याबाहेरील आहेत.</p><p>शहरात आजपर्यंत 10 लाख 81 हजार 115 हजार जणांची करोना तपासणी करण्यात आली असून, यापैकी 1 लाख 95 हजार 924 जण करोनाबाधित आढळून आले आहेत. यापैकी 1 लाख 89 हजार 237 जण करोनामुक्त झाले आहेत.</p>
