<p><strong>मुंबई - </strong></p><p> मराठा आरक्षणासंदर्भात मराठा क्रांती मोर्चाची उद्या (20 डिसेंबर) मुंबईत राज्यव्यापी बैठक होणार आहे. या बैठकीस सकल मराठा समाज मुंबई तर्फे</p>.<p>सर्व प्रमुख समन्वयकांना उपस्थित राहण्यासाठी निमंत्रण देण्यात आले आहे. मराठा समाजाचे आंदोलन सद्यस्थितीत दिशाहीन होताना दिसत आहे. त्याचप्रमाणे सरकारवर पुन्हा दबाव निर्माण केला नाही तर 25 जानेवारी पासून सुरू होणार्या सूनवणीवर त्याचा विपरीत परिणाम होण्याची शक्यता आहे. त्यामुळे मराठा आरक्षण टिकवण्यासाठी व मराठा समाजासाठी असलेल्या सरकारी योजनांचा फायदा समाजाला जास्तीत जास्त कसा मिळू शकेल यावर या बैठकीत विचारविनिमय होणार आहे. सकल मराठा समाज, मुंबई आपणा सर्व समन्वयक, विविध संघटना यांना सदरच्या बैठकीस उपस्थित राहण्याचे आवाहन करण्यात आले आहे. वडाळा स्पोर्ट्स कॉम्प्लेक्स, सहकार नगर, वडाळा पूर्व येथे सकाळी 10 वाजता ही बैठक आयोजित करण्यात आली आहे.</p>
