<p>मुंबई - </p><p>महाराष्ट्र जलसंपत्ती नियमन प्राधिकरण सदस्यपदी संजय कुलकर्णी यांचा शपथविधी झाला. जलसंपदा मंत्री जयंत पाटील यांनी कुलकर्णी यांना पद व गोपनीयतेची शपथ दिली.</p> .<p>मंत्रालय येथे झालेल्या या छोटेखानी समारंभात जलसंपत्ती नियमन प्राधिकरणाचे सदस्य (अर्थव्यवस्था) डॉ. शिवाजी सांगळे, सदस्य (विधी) बॅ.विनोद तिवारी तसेच सचिव डॉ.रामनाथ सोनावणे उपस्थित होते.</p><p>महाराष्ट्र जलसंपत्ती नियमन प्राधिकरणावर संजय देविदास कुलकर्णी, सदस्य (जलसंपदा) यांच्या नियुक्तीबाबतची अधिसूचना 6 नोव्हेंबर 2020 रोजी शासनाने प्रसिद्ध केली होती. त्यानुसार हा शपथविधी झाला. ही नियुक्ती पदावर रुजू झाल्याच्या दिनांका पासून 3 वर्षाच्या कालावधीसाठी किंवा त्यांच्या वयाची 70 वर्ष पूर्ण होईपर्यंत यापैकी जो दिनांक आधी येईल त्या दिनांकापर्यंत आहे.</p><p>सचिव डॉ. सोनावणे यांनी समारंभाच्या प्रारंभी नूतन सदस्यांचा परिचय देऊन प्रस्तावना केली. तसेच अधिसूचनेचे वाचनही केले. तद्नंतर जलसंपदा मंत्री यांनी श्री. कुलकर्णी यांना शपथ दिली.</p>
