समृद्धी महामार्गावर अपघातांचं सत्र सुरूच; भीषण अपघातात चिमुकलीसह महिलेचा मृत्यू

Nilesh Jadhav

वाशिम । Washim

काही दिवसांपुर्वीच उदघाटन करण्यात आलेल्या समृद्धी महामार्गावर अपघातांचं सत्र सुरूच आहे. वाशिम जिल्ह्यातील कारंजाजवळ भीषण अपघात झाल्याची माहिती मिळत आहे.

‘समृद्धी’मार्गे लालपरी ‘साईंच्या दारी’; ७ तासात कापले ५४० किमी अंतर

मिळालेल्या माहितीनुसार वाशिम जिल्ह्यातील कारंजा परिसरातील समृद्धी महामार्गावर भीषण अपघात झाला आहे. यामध्ये दोन जण जागीच ठार तर दोन जण गंभीर जखमी झाल्याची माहिती समोर आली आहे. मृतकांमध्ये एक महिला आणि एका लहान मुलीचा समावेश आहे. नागपुरच्या दिशेने जाणारी कार पलटी होऊन हा अपघात झाल्याची प्राथमिक माहिती मिळाली आहे.

Samruddhi Mahamarg Photo : समृद्धी महामार्गाचे 'हे' खास फोटो पाहिलेत का?

राज्य सरकारचा महत्वाकांक्षी प्रकल्प समृद्धी महामार्गाचं लोकार्पण पंतप्रधान नरेंद्र मोदी यांच्या हस्ते झालं. या महामार्गाचं लोकार्पण झाल्यापासूनच या महामार्गावर अनेक अपघात होत आहेत. त्यामुळे हा समृद्धी महामार्ग हा अपघातांचा महामार्ग झाला आहे का? असा सवाल आता उपस्थित केला जात आहे.