<p><strong>मुंबई | Mumbai</strong></p><p>राज्य मंडळाने नोव्हेंबर आणि डिसेंबरमध्ये घेतलेल्या दहावी आणि बारावीच्या पुरवणी परीक्षेचा निकाल आज (२३ डिसेंबर) दुपारी एक वाजता ऑनलाइन जाहीर करण्यात येणार आहे. सर्व विषयांची गुणपत्रक मिळविण्यासाठी काय करावे लागेल? जाणून घ्या </p>.<p>पुणे, नागपूर, औरंगाबाद, कोल्हापूर, मुंबई, अमरावती, नाशिक, लातूर आणि कोकण या नऊ विभागीय मंडळांमार्फत दहावी आणि इयत्ता बारावीची पुरवणी परीक्षा घेण्यात आली होती.</p>.<p>हा निकाल सर्व विद्यार्थी, परीक्षार्थी, पालक, शिक्षक आणि इतर सर्वांना राज्य शिक्षण मंडळाचे अधिकृत संकेतस्थळ www.mahresult.nic.in वर पाहायला मिळणार आहे. विद्यार्थी या निकालाची प्रिंट काढू शकतात.</p>.<p><strong>सर्व विषयांची गुणपत्रक मिळविण्यासाठी काय करावे लागेल?</strong></p><p>ज्या विद्यार्थी अथवा संबंधितांना फेरपरीक्षेचा निकाल पाहायचा आहे त्यांनी www.mahresult.nic.in या संकेतस्थळास भेट द्या.</p><p>www.mahresult.nic.in या संकेतस्थळावर दुपारी 1 वाजता निकाल जाहीर होईल.</p><p>निकालाची प्रत (गुणपत्र/मार्कशीट) डाऊनलोड करण्यासाठी आवश्यक तपशील भरा. त्यानंतर तुमचे गुणपत्र डाऊनलोड करा.</p>.<p>दरम्यान, निकालाबाबत विद्यार्थ्यांना काही अडचण, समस्या, आक्षेप असतील, गुणपडताळणी करायची असेल तर संबंधित विद्यार्थ्याने निकाल लागल्याच्या दुसऱ्या दिवशी (24 डिसेंबर) लगेचच संबंधित विभागीय मंडळाकडे संपर्क साधायचा आहे. हा संपर्क साधण्यासाठी 10 वीसाठी http://verification.mh-ssc.ac.in व इयत्ता बारावीसाठी http://verification.mh-hsc.ac.in या संकेतस्थळाचा वापर करायचा आहे. ज्यांना संकेतस्थळाचा वापर करणे शक्य नाही अशांना स्वत: किंवा शाळा / कनिष्ठ महाविद्यालयामार्फत अर्ज करण्याची सोय उपलब्ध करुन देण्यात आलेली आहे. दरम्यान, पडताळणी करण्याबाबतचे नियम, अटी, शर्ती, सूचना यांबाबत संकेतस्थळावर सविस्तर माहिती देण्यात आली आहे.</p>.<p>ऑनलाईन निकालानंतर लगेचच दुसऱ्या दिवसापासून दहावी व बारावी पुरवणी परीक्षेस प्रविष्ट झालेल्या विद्यार्थ्यांस स्वत:च्या अनिवार्य विषयांपैकी (श्रेणी विषयांव्यतिरिक्त) कोणत्याही विशिष्ट विषयात त्याने संपादित केलेल्या गुणांची गुणपडताळणी व उत्तरपत्रिकांच्या छायाप्रत, पुनर्मूल्यांकन व स्थलांतर प्रामणपत्रासाठी संबंधित विभागीय मंडळाकडे ऑनलाईन पद्धतीने मंडळाच्या अधिकृत संकेतस्थळावरुन इयत्ता 10 वीसाठी http://verification.mh-ssc.ac.in व इयत्ता बारावीसाठी http://verification.mh-hsc.ac.in या संकेतस्थळावर स्वत: किंवा शाळा / कनिष्ठ महाविद्यालयामार्फत अर्ज करण्याची सोय उपलब्ध करुन देण्यात आलेली आहे. यासाठी आवश्यक अटी, शर्ती व सूचना संकेतस्थळावर देण्यात आलेल्या आहेत</p>
