पुणे -
डेक्कन एज्युकेशन सोसायटी (डीईएस) आणि सावित्रीबाई फुले पुणे विद्यापीठाच्यावतीने येत्या 7 ऑक्टोबरला आयोजित करण्यात आलेल्या वेबिनारमध्ये पंतप्रधान
नरेंद्र मोदी मार्गदर्शन करणार आहेत. डीईएसच्या सर्व आजी-माजी विद्यार्थ्यांनी या वेबिनार मध्ये सहभागी व्हावे, असे आवाहन डीईएसच्या नियामक मंडळाचे अध्यक्ष शरद कुंटे यांनी केले आहे.
पंतप्रधान नरेंद्र मोदी नवीन शैक्षणिक धोरण व आत्मनिर्भर भारत या विषयावर 7 ऑक्टोबरला दुपारी 4.30 ते 5.30 या वेळेत मार्गदर्शन करणार आहेत. तत्पूर्वी या विषयावर एक तास आधी चर्चासत्र आयोजित केले जाणार आहे.