- बातम्याबातम्या
- फोटोफोटो
- व्हिडिओव्हिडिओ
- फिचर्सफिचर्स
- पॉडकास्टपॉडकास्ट
- Deshdoot Times
- ई-पेपर
- देशदूत विशेष
- दिवाळी अंक २०२३
मुंबई | Mumbai
देशभरात आज विजयादशमी दसऱ्याची (Vijaya Dashmi Dasara) धामधूम सुरु असून मुंबईत देखील दसरा मेळाव्यासाठी (Dasara Melava) ठाकरे आणि शिंदे गटाकडून जोरदार तयारी करण्यात आली आहे. उद्धव ठाकरेंच्या (Uddhav Thackeray) गटाचा दसरा मेळावा शिवाजी पार्क म्हणजेच शिवतीर्थ आणि मुख्यमंत्री एकनाथ शिंदे (CM Eknath Shinde) यांच्या शिवसेनेचा दसरा मेळावा आझाद मैदानावर होणार आहे...
या दोन्ही गटाच्या दसरा मेळाव्यासाठी अनेक नेते, पदाधिकारी, शिवसैनिक मुंबईच्या दिशेने रवाना झाले आहेत. अशातच आता शिंदे गटाच्या दसरा मेळाव्यासाठी मुंबईला (Mumbai) जात असताना सांगली जिल्ह्यातील कवठेमहांकाळ तालुक्यातून जाणाऱ्या रत्नागिरी नागपूर राष्ट्रीय महामार्गावरील (Ratnagiri Nagpur National Highway) शिरढोण गावाजवळ शिवसैनिकांच्या गाडीला अपघात (Accident) झाल्याची घटना घडली आहे. या अपघातामध्ये एका कार्यकर्त्याचा मृत्यू (Death) झाला असून तीन जण जखमी झाले आहेत.
एक भरधाव ट्रकने शिवसैनिकांच्या गाडीला मागून धडक दिल्याने हा अपघात झाल्याची माहिती समोर आली आहे. तसेच ही धडक इतकी भीषण होती की यामध्ये एका शिवसैनिकाचा मृत्यू झाला असून तिघे जण जखमी झाले आहेत. मृत्यू झालेला शिवसैनिक शिंदे गटाच्या (Shinde Group) युवा सेनेचा पदाधिकारी असल्याचे समजते.
दरम्यान, राज्यभरातून शिंदे गटाचे शिवसैनिक रात्रभर प्रवास करून नवी मुंबईत दाखल झाले आहेत. त्यामुळे या शिवसैनिकांसाठी नवी मुंबईत चहा नाश्त्याची व्यवस्था करण्यात आली आहे. तसेच शिवसेनेची ओळख असलेली मराठवाड्यातील भाकरी आणि चटणीची शिदोरी अनेक शिवसैनिकांनी घरून आणली आहे.तसेच शाळूची भाकरी आणि चटणीची शिदोरी ही खऱ्या शिवसैनिकांची ओळख असून अनेक वर्षांपासून आम्ही घरची शिदोरी घेऊन दसरा मेळाव्याला येतो अशी भावना ग्रामीण भागातील शिवसैनिकांनी बोलून दाखवली आहे.
