'नीट' परीक्षांबाबत निर्णय घ्यावा

काँग्रेस प्रदेशाध्यक्ष नाना पटोले यांची राज्य सरकारकडे मागणी
'नीट' परीक्षांबाबत निर्णय घ्यावा

मुंबई | प्रतिनिधी Mumbai

वैद्यकीय अभ्यासक्रमाच्या प्रवेशासाठी घेतल्या जाणाऱ्या 'नीट' परीक्षेतील गैरप्रकार Malpractice in the ‘NEET’ exam लक्षात घेऊन महाराष्ट्र सरकारने Maharashtra Govt तामिळनाडूच्या धर्तीवर नीट परिक्षेबाबत निर्णय घ्यावा, अशी मागणी काँग्रेसचे प्रदेशाध्यक्ष नाना पटोले Congress state president Nana Patole यांनी मंगळवारी केली.

देशभरातील वैद्यकीय अभ्यासक्रमांच्या प्रवेशासाठी नीट परीक्षेचे आयोजन केले जाते. परंतु या परिक्षेत दिवसेंदिवस वाढणारे गैरप्रकार पाहता नीट परीक्षा व्यापम घोटाळ्याचा पुढचा अंक आहे की काय, अशी परिस्थिती निर्माण झाली आहे. पेपर फोडून, डमी विद्यार्थी बसवून विद्यार्थ्यांच्या भविष्याशी खेळ सुरु असून गरीब, मध्यमवर्गीय मुला-मुलींनी डॉक्टर होऊ नये म्हणून नीटचा वापर सुरु आहे का? असा सवालही पटोले यांनी आज पत्रकार परिषदेत केला.

देशभरातून १६ लाख विद्यार्थी नीटची परीक्षा देतात. पण त्यातील गैरव्यवहार वाढले आहेत. प्रश्नपत्रिका फुटण्याचे प्रकारही वाढीस लागल्याच्या घटना नागपूर, जयपूर सारख्या ठिकाणी घडल्या आहेत. त्यातच नीटमध्ये सीबीएससी आणि इतर केंद्रीय मंडळाच्या विद्यार्थ्यांची संख्या ही राज्य परीक्षा मंडळाच्या विद्यार्थ्यांपेक्षा वाढत असल्याचे स्पष्ट झाले आहे. दोन्ही बोर्डाच्या अभ्यासक्रमातील तफावत हा जसा त्यातील मुद्दा आहे तसेच नीटसाठी कोचिंग क्लासेसची असलेली भरमसाठ फी ही गरिब, सामान्य कुटुंब, ग्रामीण भागातील विद्यार्थी यांना परवडणारी नाही, असे पटोले म्हणाले.

वैद्यकीय अभ्यासक्रमासाठी पात्र ठरणाऱ्या विद्यार्थ्यांची राज्यनिहाय आकडेवारी पाहता नीट परिक्षेनंतर राज्य बोर्डाच्या विद्यार्थ्यांची मेडीकलमधील संख्या कमी कमी होत असून सीबीएसई बोर्डाच्या विद्यार्थ्यांची संख्या वाढत जाताना दिसत आहे.हे अन्याय आणि असमानता वाढवणारे आहे. यामुळे ग्रामीण भागातले तसेच सामान्य कुटुंबातील विद्यार्थांचे डॉक्टर बनण्याचे स्वप्न धुळीस मिळत आहे. या सर्वांचा विचार करून महाराष्ट्र सरकारने नीट परीक्षा रद्द करावी. राज्य मंडळाच्या परीक्षा गुणांवर वैद्यकीय अभ्यासक्रमासाठी प्रवेश दिला जावा, अशी मागणी मुख्यमंत्री उद्धव ठाकरे यांच्याकडे पत्राद्वारे केल्याचे नाना पटोले यांनी सांगितले.

विशेष अधिवेशनासंदर्भात मुख्यमंत्र्यांची भूमिका योग्यच!

महिला सुरक्षेच्या प्रश्नावर २ दिवसांचे विशेष अधिवेशन घ्यावे ही राज्यपालांची सूचना आणि त्याला मुख्यमंत्री उद्धव ठाकरे यांनी दिलेल्या उत्तरावर पत्रकारांनी विचारलेल्या प्रश्नावर पटोले म्हणाले की, महिला सुरक्षेचा प्रश्न हा काही फक्त महाराष्ट्रापुरताच मर्यादीत नसून देशभरातील महिलांचा प्रश्न आहे. त्यामुळे संसदेचे चार दिवसांचे अधिवेशन बोलवावे हे मुख्यमंत्र्यांनी दिलेले उत्तर योग्यच आहे.

राजभवन हे भाजपाचे कार्यालय झाले आहे. राज्य सरकारमध्ये राजभवन वारंवार हस्तक्षेप करत आहे. राज्यपालांचे पद हे महत्वाचे आणि सन्माननीय पद आहे. त्याच्या काही मर्यादा आहेत.त्या मर्यादेतच काम केले तर अशी परिस्थिती उद्भवणार नाही. परंतु राज्यपालांच्या माध्यमातून मागील काही वर्षात विरोधी पक्षांच्या सरकारांमध्ये हस्तक्षेप करण्याचे प्रकार वाढले आहेत. राज्यपालांनी पदाचा प्रतिष्ठा राखावी, असा सल्लाही पटोले यांनी दिला.

Related Stories

No stories found.