<p><strong>मुंबई - </strong></p><p>करोना संकटामुळे महापरिनिर्वाण दिनी अनुयायांनी चैत्यभूमी येथे येऊ नये, ऑनलाईन व थेट प्रक्षेपणातून अभिवादन करावे, असे आवाहन महापालिकेकडून </p>.<p>करण्यात आले होते. त्यास अनुयायांनी शंभर टक्के प्रतिसाद दिला आणि भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांच्या 64 व्या महापरिनिर्वाण दिनानिमित्त सोशल मीडियाच्या माध्यमातून ऑनलाईन अभिवादन केले.</p><p>दूरदर्शनच्या सह्याद्री वाहिनीवरुन रविवारी सकाळी 7.45 ते सकाळी 9 या वेळेत शासकीय मानवंदना कार्यक्रमाचे थेट प्रक्षेपण करण्यात आले. त्यानंतर दर तासाला 10 मिनिटांसाठी याप्रमाणे दुपारी 1 वाजेपर्यंत सह्याद्री वाहिनीवर प्रसारण करण्यात आले. दूरदर्शन नॅशनल या सुमारे 33 लाख सबस्क्रायबर असलेल्या यूट्यूब चॅनलवरुनही दूरदर्शनने सकाळपासून दुपारी 1 वाजेपर्यंत थेट प्रसारण केले. या प्रक्षेपणासाठी हाय डेफिनेशन ब्रॉडकॉस्टींगची सुविधा असलेली ओबी व्हॅन आणि एकूण 46 जणांचे पथक चैत्यभूमीवर तैनात केले होते.</p><p>------------------------</p><p>शंभर टक्के प्रतिसाद</p><p>करोना संसर्ग पसरु नये. यासाठी खबरदारी म्हणून अनुयायांनी महापरिनिर्वाण दिनी चैत्यभूमीवर न येता ऑनलाईन प्रक्षेपणातून अभिवादन करावे, असे आवाहन महापालिकेच्यावतीने करण्यात आले होते. अनुयायांनी त्यास शंभर टक्के प्रतिसाद दिला.</p><p>------------------------</p><p>यंदा गर्दी नाही</p><p>चैत्यभूमीसह लगतच्या परिसरात अनुयायांची दरवर्षी दिसणारी प्रचंड गर्दी यंदा झाली नाही. सरकारने तसेच महानगरपालिकेने केलेल्या आवाहनाला संपूर्ण प्रतिसाद देऊन अनुयायांनी सर्वांसमोर अनोखे उदाहरण ठेवले आहे.</p><p>------------------------</p><p>- सह्याद्री वाहिनीवरुन चैत्यभूमी येथील शासकीय मानवंदना कार्यक्रमाचे थेट प्रक्षेपण करण्यात आले.</p><p>- दूरदर्शनचे यूट्यूब चॅनल, महापालिकेचे यूट्यूब, फेसबूक, ट्विटरवरुनही चैत्यभूमीसह राजगृह येथील अभिवादनाची थेट प्रक्षेपण व्यवस्था करण्यात आली.</p><p>- अनुयायांना आपापल्या घरी राहून चैत्यभूमीचे दर्शन घेणे व अभिवादन करणे शक्य झाले.</p><p>------------------------</p><p>- चैत्यभूमी येथे मान्यवरांनी पुष्पांजली अर्पण करुन अभिवादन केले.</p><p>- शासनाच्या वतीने शासकीय मानवंदना प्रदान करण्यात आली.</p><p>- हेलिकॉप्टरमधून पुष्पवृष्टी करण्यात आली.</p><p>- महापालिकेच्या माहिती पुस्तिकेचे, शासनाचे मुखपत्र लोकराज्य या विशेषांकाचे प्रकाशनही करण्यात आले.</p>
