नवी दिल्ली | वृत्तसंस्था | New Delhi
भरधाव जीपचे टायर फुटल्यामुळे अनियंत्रित होऊन ती समोर उभ्या असलेल्या ट्रकवर जोरात धडकली. या अपघातात चार महिलांसह सात जणांचा मृत्यू झाला असून काही जण जखमी झाले आहेत...
गुजरातमधील पाटण (Patan) जिल्ह्यात वाराहीजवळ हा अपघात (Accident) झाला. याबाबत अधिक माहिती अशी की, एक जीप १५ प्रवाशांना घेऊन जात असताना, जीपचे टायर फुटल्याने चालकाचे जीपवरील नियंत्रण सुटले. भरधाव जीप अनियंत्रित झाल्यानंतर समोर उभ्या असलेल्या ट्रकला जाऊन धडकली. या अपघातात सात जणांचा मृत्यू झाला.
इतर सात ते आठ जण जखमी झाल्याची माहिती मिळत आहे. मृतांमध्ये महिला आणि लहान मुलेचाही समावेश आहे. जखमींना उपचारासाठी रुग्णालयात दाखल करण्यात आले आहे. पोलीस पुढील तपास करत आहेत.