अधिवेशन शांततेत होणार !
महाराष्ट्र

अधिवेशन शांततेत होणार !

Balvant Gaikwad

Balvant Gaikwad

जळगाव – 

आगामी अधिवेशनात राज्यपालांच्या अभिभाषणावर चर्चा, काही विधेयके मंजूर करणे आणि आयत्यावेळी येणार्‍या विषयांवर चर्चा असल्याने हिवाळी अधिवेशन वादळी ठरणार नसल्याचे सुतोवाच माजी मंत्री व शिवसेना नेते गुलाबराव पाटील यांनी केले.

आ.गुलाबराव पाटील व मुक्ताईनगरचे आ.चंद्रकांत पाटील यांचे जळगाव विमानतळावर आगमन झाल्यानंतर त्यांनी दैनिक ‘देशदूत’ कार्यालयास सदिच्छा भेट दिली. एकेकाळचा आमचा मित्रपक्ष असलेला आणि सर्वात जास्त सदस्य संख्या असलेला भाजप या अधिवेशनात विरोधी बाकावर बसणार असून अल्पसंख्य असलेले काँग्रेस-राष्ट्रवादी, शिवसेनेचे सदस्य सत्ताधारी बाकावर असतील हे या अधिवेशनाचे वैशिष्ट असेल. अधिवेशनापूर्वी 40 दिवस अगोदर प्रश्न दिले गेले नसल्याने व तसा कालावधी लाभला नसल्याने या अधिवेशनात प्रश्नोत्तराचा तास नसेल आणि लक्ष्यवेधी सूचना व स्थगनप्रस्तावही मांडले जाणार नाहीत असे वाटते.

कार्यकर्त्यांनी आणि मतदारांनी केलेले परीवर्तन यामुळे आपणास आमदार पदाची संधी लाभली असून मतदारसंघाच्या विकासासाठी आपण प्रयत्नशिल राहणार असल्याचे आ.चंद्रकांत पाटील यांनी यावेळी सांगितले. यावेळी पाळधीचे माजी सरपंच आलीम देशमुख यांच्यासह प्रविण पाटील, के.टू.पाटील उपस्थित होते.

Deshdoot
www.deshdoot.com