नागपूर | Nagpur
आयकर विभागाने नागपूर शहरात १० ठिकाणी छापेमारी केली आहे. हवाला आणि कन्स्ट्रक्शनशी संबंधित असलेल्या व्यक्तींवर आयकर विभागाकडून छापे टाकण्यात आल्याची माहिती मिळत आहे...
याबाबत मिळालेल्या माहितीनुसार, नागपुरातील 10 हून अधिक ठिकाणी आयकर विभागाने छापे टाकले आहेत. 7 हून अधिक जणांच्या वेगवेगळ्या ठिकाणी हे छापे टाकण्यात आल्याचे समजते. मुंबईसह नागपूरच्या टीमने ही कारवाई केली आहे.
हवाला, बांधकाम व्यवसायाशी संबंधित असलेल्या कंपन्यांमध्ये करविषयक आर्थिक अनियमितता झाल्यामुळे हे छापे पडल्याची माहिती आहे. मुंबईतील पथक आज पहाटे नागपुरात दाखल झाले. 10 हून अधिक ठिकाणी आयकराने (Income Tax) छापे टाकले. या कारवाईत आयकर विभागाच्या हाती किती मोठे घबाड लागणार याकडे आता सर्वांचे लक्ष लागले आहे.