तौक्ते चक्रीवादळग्रस्तांना निसर्गप्रमाणे नुकसान : जाणून घ्या निसर्गची काय होती भरपाई

तौक्ते चक्रीवादळग्रस्तांना निसर्गप्रमाणे नुकसान : जाणून घ्या निसर्गची काय होती भरपाई
मुख्यमंत्री उद्धव ठाकरे

मुंबई

गेल्या आठवड्यात महाराष्ट्राच्या सागरी किनाऱ्यावरील जिल्ह्यांना तौक्ते चक्रीवादळाचा तडाखा बसून नुकसान झाले होते. या नुकसानग्रस्तांना निसर्ग चक्रीवादळ नुकसानग्रस्तांप्रमाणेच मदत दिली जाईल अशी महत्वपूर्ण घोषणा मुख्यमंत्री उद्धव ठाकरे यांनी केली आहे.

मुख्यमंत्री उद्धव ठाकरे
आता बांधकामांच्या साहित्याशी संबंधित दुकाने अत्यावश्यक प्रवर्गात

21 मे रोजी मुख्यमंत्र्यांनी स्वतः कोकण दौरा करून नुकसानीचा आढावा घेतला होता आणि तात्पुरती घोषणा न करता आढावा घेऊन व्यवस्थित मदत दिली जाईल व कुणालाही वंचित ठेवणार नाही असे आश्वस्त केले होते त्याप्रमाणे त्यांनी आज ही घोषणा केली.

काय होती निसर्ग चक्रीवादळातील भरपाई

घरांसाठी नुकसान भरपाई

- २५ टक्क्यापेक्षा जास्त घराचे नुकसान झाले असल्यास २५ हजार

- ५० टक्क्यापेक्षा जास्त नुकसान झाले असल्यास ५० हजार व

- पूर्ण घराचे नुकसान झाले असल्यास दीड लाख रुपये मदत मिळणार

घरातील साहित्याचे नुकसान झाले असल्यास

- अन्नधान्य भिजले असल्यास आणि भांड्यांचे नुकसान झाले असल्यास १० हजार रुपये मदत

मच्छिमारांसाठी नुकसान भरपाई

- अंशतः नुकसान झालेल्या बोटींसाठी १० हजार रुपये भरपाई मिळणार

- बोटीचे पूर्ण नुकसान झाले असल्यास २५ हजार रुपये वाढीव मदत

- मच्छिमारांच्या जाळीचे नुकसान झाले असेल तर ५ हजार रुपये वाढीव मदत

- पूर्ण जाळीचे नुकसान झाले असेल तर १० हजार मदत मिळणार

- नुकसानग्रस्त दुकानमालक व टपरीचालकांना नुकसानीच्या 75 टक्के मर्यादेत कमाल 10 हजार रुपये मदत

- बहुवार्षिक शेतीच्या नुकसानीपोटी ५० हजार रुपये प्रतिहेक्टर दोन हेक्टरच्या कमाल मर्यादेत

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com