<p><strong>मुंबई l Mumbai </strong></p><p>मानखुर्द पूर्व येथील मंडाला परिसरात भीषण आग लागल्याची घटना समोर आली आहे. घटनास्थळी अग्निशमनच्या दलाच्या १५ ते १६ गाड्या पोहोचल्या आहेत.</p>.<p>आगीचं स्वरुप भीषण असल्याने आणखीही गाड्या रवाना करण्यात येणार आहेत. ही आग आज दुपारी पावणे तीनच्या सुमारास लागली. आग इतकी प्रचंड आहे की, आगीचे लोट आकाशात पसरताना तीन ते चार किलोमिटर अंतरावरुन दिसत आहेत. मात्र, आगीचं कारण अस्पष्ट आहे.</p>.<p>मिळालेल्या माहितीनुसार, आग लागलेला परिसर अत्यंत दाट लोकवस्तीचा आहे. याच परिसरात लाकडाच्या मोठ्या वखारी आहेत. तसेच, या ठिकाणी ऑईल गोडाऊनही असल्याचे सांगितले जात आहे. ऑईल गोडावून असल्यामुळे ही आग पसरत असल्याचे सांगितले जात आहे. आगीचे मोठमोठे स्फोटही ऐकू येत आहेत. आग आटोक्यात आणण्यासाठी अग्निशमन दल शर्थीचे प्रयत्न करत आहे. त्यासोबतच परिसरातून नागरिकांना इतर ठिकाणी हालवले जात आहे. या ठिकाणी झोपडपट्टीही मोठ्या प्रमाणावर आहे. त्यामुळे हा परिसर अत्यंत दाठीवाठीचा आहे. एकूण परिस्थीती पाहता आग आठोक्यात आणण्यात मोठे अडथळे येत आहेत. परिणामी अग्निशमन दलाला आग आठोक्यात आणण्यासाठी शर्थीचे प्रयत्न करावे लागणार आहेत.</p>
