दसरा मेळाव्यावरुन परतणाऱ्या शिंदे गटाच्या शिवसैनिकांच्या बसचा अपघात; २५ जण जखमी

मुंबई | Mumbai

काल मुंबईत (Mumbai) ठाकरे आणि शिंदे गटाचा दसरा मेळावा (Dasara Melava) पार पडला. यात शिवसेना (उबाठा) पक्षप्रमुख उद्धव ठाकरेंच्या (Uddhav Thackeray) नेतृत्त्वाखाली शिवाजी पार्कवर तर शिंदेंच्या शिवसेनेचा मुख्यमंत्री एकनाथ शिंदे (CM Eknath Shinde) यांच्या नेतृत्वाखालील आझाद मैदानावर दसरा मेळावा पार पडला. मात्र, हा दसरा मेळावा संपल्यानंतर परतीच्या प्रवासात शिंदे गटाच्या (Shinde Group) तीन बसचा शहापूरजवळ अपघात झाला असून या अपघातात २५ जण जखमी झाल्याची माहिती समोर आली आहे...

याबाबत मिळालेल्या माहितीनुसार, शहापूरजवळील (Shahapur) कळंभे गावाजवळ (Kalambhe Village) हा अपघात (Accident) झाला असून शिंदे गटाचे शिवसैनिक मुंबईहून सिल्लोडला जात असताना हा भीषण अपघात झाला. एका बसला ट्रकने मागून धडक दिली. त्याचवेळी धडक देणाऱ्या ट्रकला पाठीमागून येणाऱ्या दुसऱ्या बसने (Bus) मागून धडक दिल्याने बस पलटी झाली.

दरम्यान, या घटनेची माहिती मिळताच महामार्ग पोलीस शहापूर केंद्राचे कर्मचारी, शहापूर पोलीस मदतीला घटनास्थळी दाखल झाले. तसेच सध्या जखमींवर शहापूर उपजिल्हा रुग्णालयात उपचार सुरू आहेत.

असा झाला अपघात

एक ट्रक आणि मंत्री अब्दुल सत्तार यांच्या सिल्लोड सोयगाव विधानसभा मतदारसंघातील कार्यकर्ते प्रवास करत असलेल्या परिवहन महामंडळाच्या बसमध्ये अपघात झाला. त्यानंतर मागून येणाऱ्या कार्यकर्त्यांच्या इतर दोन बसेसही एकमेकांवर आदळल्या. यात ट्रक आणि एक बस थेट उड्डाणपुलावरील साईड डिव्हायडर तोडून उड्डाणपुलाखालील रस्त्यावर कोसळल्या. तर इतर दोन बसचेही मोठ्या प्रमाणावर नुकसान झाले आहे. रस्त्यावर काचांचा खच पडला असून या विचित्र अपघातात अनेक जण जखमी झाले आहेत.

'देशदूत' / 'सार्वमत'चे व्हॉट्सअ‍ॅप चॅनल जॉईन करण्यासाठी येथे क्लिक करा