औरंगाबाद – Aurangabad
औरंगाबादमधील पॉलिटेक्निक कॉलेजमधील कोविड सेंटरमध्ये एका महिलेसोबत छेडछाड झाल्याची तक्रार समोर आली आहे. या प्रकरणी महिलेने संबंधित डॉक्टरांकडे तक्रार केली असून, पोलिसांकडून तपास सुरू करण्यात आला आहे.
विशेष म्हणजे आठच दिवसांपूर्वी पदमपुरा येथील कोविड सेंटरमध्ये एका रुग्ण महिलेसोबत विनयभंगाची घटना घडली होती.
वेदांतनगर येथील कोविड सेंटर येथे एका महिलेसोबत डॉक्टराने गैरवर्तन केल्याचे समोर आले होते. या प्रकरणात त्या डॉक्टरला निलंबित करण्यात आले होते. हे प्रकरण घडल्यानंतर पॉलिटेक्निक कॉलेजमध्ये उपचारासाठी दाखल करण्यात आलेल्या एका महिलेनेही छेडछाड केल्याची तक्रार वैद्यकीय अधिकाऱ्यांकडे केली. या महिलेने केलेल्या तक्रारीनंतर वेदांतनगर पोलिसांना त्याची माहिती देण्यात आली. या प्रकरणात संबंधित वैद्यकीय अधिकारी तसेच पोलिसांनी या ठिकाणी जाऊन काही संशयित व्यक्तींची ओळख परेड केली. मात्र, महिलेने त्यातील कोणालाही ओळखले नाही.