औरंगाबाद – aurangabad
औरंगाबाद ग्रामीण (police) पोलिसांनी मोठी कारवाई करत गुटख्याच्या मोठा साठा जप्त केला आहे. गुन्हे शाखा (Crime Branch) आणि बिडकीन पोलिसांनी संयुक्तरित्या कारवाई करत ३७ लाख ५९ हजार ३८४ रुपयांचा गुटखा छापा मारत जप्त केला आहे. विशेष म्हणजे यातील आरोपींना यापूर्वी सुद्धा अनेकदा गुटखा विक्री करताना पकडण्यात आल्याचं समोर आले असून यावेळी मात्र पोलिसांनी (police) मोठी कारवाई केली आहे.
बिडकीन येथील वेगवेगळ्या चार ठिकाणी औरंगाबाद गुन्हे शाखा आणि बिडकीन पोलिसांनी एकाचवेळी छापा टाकत तब्बल ३७ लाख ५९ हजार ३८४ रुपयांचा गुटखा जप्त केला आहे. पोलिसांनी (Hirapan Masala, Goa Masala, Vimal) हिरापान मसाला, गोवा मसाला, विमल आणि राजनिवास अशा नावाचे गुटखा जप्त केला आहे. तर याप्रकरणी असलम हनिफ पठाण, युसुफ याकुब पठाण, परवेज रशिद पठाण आणि रिजवान मुख्तार शेख यांना पोलिसांनी अटक केली आहे.
औरंगाबाद ग्रामीण पोलिसांच्या कारवाईमुळे गुटख्या माफियांमध्ये मोठी खळबळ उडाली आहे. तर या कारवाईत अटक करण्यात आलेला एक आरोपी एका राजकीय पक्षाचा कार्यकर्ता असल्याचं सुद्धा समोर आलं आहे. तर एवढा मोठा गुटख्याच्या साठा नेमका कुठून आला याचा तपास आता पोलीस करणार आहे. त्यामुळे मराठवाड्यातील गुटख्या माफियाचा पर्दाफाश होण्याची शक्यता आहे.