हायटेक तपास; गुगल मॅपिंगने चोरांना पकडले

मोटारसायकली जप्त
हायटेक तपास; गुगल मॅपिंगने चोरांना पकडले

औरंगाबाद - Aurangabad

गेल्या आठवड्यात गुगल मॅपिंगद्वारे (Googal Maps) मोटरसायकल चोरीच्या घटनास्थळांचा अभ्यास करून शास्त्रीय पद्धतीने मोटारसायकल चोरीचे गुन्हे उघडकीस आणण्याचा प्रयत्न पोलिसांकडून केला जात आहे. या अंतर्गत गुन्हे शाखेने (Crime Branch) नऊ गुन्हे उघड केले. त्यातून चार मोटरसायकल चालकांविरोधात गुन्हा दाखल करण्यात आला आहे तर, पाच मोटरसायकलचे सांगाडे बेवारस आढळून आले.

पोलिसांच्या (Police) या नवीन तांत्रिक तपासामुळे मुंबई (Mumbai) कोळसेवाडी येथून चोरलेली मोटारसायकल प्रकरणात दोन जणांना अटक करण्यात आली आहे. एमआयडीसी वाळूज येथे दोन जणांना ताब्यात घेण्यात आले आहे. तर क्रांतीचौक येथे १९ वर्षाच्या तरूणाला अटक करण्यात आली आहे. याशिवाय सिडको पोलिस ठाण्यातंर्गत दोन चोरीच्या मोटारसायकल दोन जणांकडून ताब्यात घेण्यात आलेल्या आहेत. याशिवाय हर्सूल आणि क्रांतीचौक येथे प्रत्येकी एका व्यक्तीला ताब्यात घेऊन त्यांच्या जवळून प्रत्येकी एक वाहन जप्त करण्यात आले याशिवाय छावणी पोलिस ठाण्याच्या हद्दीतून दोन मोटारसायकल चोरी प्रकरणात दोन जणांना ताब्यात घेण्यात आलेले आहे.

नाकाबंदी दरम्यान वाहनाचे कागदपत्रे सादर न करणाऱ्या चार मोटरसायकल जप्त करण्यात आले आहे. याशिवाय क्रांतीचौक परिसरात दोन बेवारस वाहने मिळाली असून छावणी आणि हर्सुल भागात प्रत्येकी एक वाहन बेवारस मिळाले आहे. ही कामगिरी पोलिस आयुक्त डॉ. निखील गुप्ता, उपायुक्त मिना मकवाणा यांच्या मार्गदर्शनाखाली गुन्हे शाखेचे सहायक पोलिस निरीक्षक अजबसिंग जारवाल, मनोज शिंदे, पोलिस उपनिरिक्षक योगेश धोंडे, रावसाहेब जोंधळे, पवन इंगळे व इतर अंमलदारांनी केली.

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com