औरंगाबादमध्ये ऑक्सिजनच्या मागणीत घट

मागणीच्या तुलनेत पुरेसा साठा
औरंगाबादमध्ये ऑक्सिजनच्या मागणीत घट

औरंगाबाद - Aurangabad

औरंगाबादमध्ये ऑक्सिजनच्या मागणीत घट झाली आहे. शहरात एक मार्चला १४ मेट्रिक टनावरून एप्रिलपर्यंत मागणी ६५ ते ७० मेट्रिक टनापर्यंत पोहोचली होती. मागील दहा, पंधरा दिवसांपासून पुन्हा ही मागणी ३८ ते ४० मेट्रिक टनांवर आली आहे.

मागील वर्षीच्या तुलनेत रुग्णांची संख्या वेगाने वाढली. त्यामुळे मार्च २०२० च्या तुलनेत २०२१मध्ये औषधांसह ऑक्सिजनची मागणी वाढली. रुग्णालयांसह घरगुती ऑक्सिजनचा वापर करणाऱ्या रुग्णांची संख्याही वाढली. त्यामुळे रुग्णालयांसह घरगुती ऑक्सिजन वापरासाठीच्या सिलिंडरची मागणी एका महिन्यातच पाच, सहा पटीने वाढली होती. मार्च, एप्रिल ते मे अशा तीन महिन्यांत अनेक दिवशी वाढती राहिल्याचे समोर आले होते, परंतु मागील आठवड्यापासून ऑक्सिजनची मागणी कमी झाल्याचे सांगण्यात येते.

ऑक्सिजनची वाढती मागणी लक्षात घेत आणि पुरवठ्यातील अडचणी लक्षात घेत अनेक रुग्णालयांनी स्वतंञ व्यवस्था केली तर प्रशासनानेही ऑक्सिजन निर्मिती प्रकल्पावर भर दिला होता. एप्रिलमध्ये औरगाबादला दररोज ५५ ते ६० मेट्रिक टनाची मागणी नोंदविण्यात येत होती. यात मोठ्या रुग्णालयांना लिक्विडचा टँकरद्वारे पुरवठा करण्यात येतो. औषधी विभागाच्या आकडेवारीनुसार एक मार्च २०२१ रोजी औरंगाबादला १४.८२ मेट्रिक टनाची मागणी होती. ती एप्रिल सुरू होईपर्यंत ६० टनांपर्यंत पोहोचली. मेमध्येही त्यात वाढ झाली होती, परंतु मागील आठवड्यापासून यात कमी झाल्याचे सांगण्यात येते. सोमवारी ३७.३४ टन मागणी होती. यामध्ये जिल्ह्यात खासगी रुग्णालयांना २२.३९ टन तर, शासकीय रुग्णालयांसाठी १४.९५ टन एवढी मागणी होती. सध्या जिल्ह्यात मागणीच्या तुलनेत पुरेसा साठा उपलब्ध असल्याचे औषध प्रशासनाने सांगितले.

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com