Type to search

Breaking News नाशिक मुख्य बातम्या

चारा छावणीचे सात लाखांचे अनुदान प्राप्त; छावण्यांची संख्या दहावर

Share

नाशिक । प्रतिनिधी
जिल्ह्यात सद्यस्थितीत दहा चारा छावण्या सुरू असून त्यामध्ये अकरा हजार छोट्या-मोठ्या जनावरांची व्यवस्था करण्यात आली आहे. जिल्हा प्रशासनाने चारा छावण्या देयकासाठी 25 लाख रुपये अनुदानाची मागणी शासनाकडे केली होती. पहिल्या टप्प्यात 17 लाख व दुसर्‍या टप्प्यात 7 लाख असे 25 लाख रुपयांचे अनुदान जिल्हा प्रशासनाला प्राप्त झाले आहे.

जिल्ह्यात दुष्काळाची परिस्थिती भयावह आहे. आठ तालुके व सतरा मंडळांमध्ये शासनाने दुष्काळ जाहीर केला आहे. पिण्याच्या पाण्याचे गंभीर दुर्भिक्ष्य निर्माण झाले आहे. पाण्यासोबत चार्‍याची कमतरता निर्माण झाली आहे. त्यामुळे जनावरे जगवायची कशी? असा प्रश्न बळीराजाला पडला होता.

यातून मार्ग काढण्यासाठी जिल्ह्यात दहा ठिकाणी चारा छावण्या सुरू केल्या आहेत. त्यामध्ये सिन्नर तालुक्यात तीन, नांदगाव तालुक्यात तीन, मालेगाव तालुक्यात तीन व येवला तालुक्यात एक अशा दहा चारा छावण्या सुरू आहेत. या ठिकाणी शेतकरी त्यांची जनावरे आणून बांधत आहेत. सर्वाधिक जनावरे ही नांदगाव व मालेगाव तालुक्यातील छावण्यांमध्ये आहेत.

चारा छावण्यांची देयके अदा करण्यासाठी जिल्हा प्रशासनाने 25 लाख रुपये अनुदानाचा प्रस्ताव राज्य शासनाकडे सादर केला होता. शासनाने त्यापैकी पहिल्या टप्प्यात सतरा लाख रुपयांचे अनुदान दिले. त्यानंतर दुसर्‍या टप्प्यात सात लाख रुपयांचे अनुदान जिल्ह्याला दिले आहे.

छावणी                       मोठी                  लहान                      एकूण
                                जनावरे               जनावरे
सिन्नर                        1501                   457                       1966
नांदगाव                     4118                   718                       4836
येवला                         750                    226                         976
मालेगाव                    3225                    553                       3778
एकूण                        9602                  1954                     11556

Tags:

Leave a Comment

Your email address will not be published. Required fields are marked *

*

error: Content is protected !!