Type to search

Breaking News Featured नाशिक मुख्य बातम्या

नाशिक : गायिका गीता माळी यांचे अपघातात निधन

Share

नाशिक | प्रतिनिधी 

नाशिकच्या प्रसिद्ध गायिका गीता माळी मुंबईहून नाशिककडे परतत असताना झालेल्या भीषण अपघातात त्यांचे निधन झाले. अपघातात त्यांचे पती विजय माळी जखमी असून त्यांच्यावर उपचार सुरु आहेत. माळी यांच्या निधनाने नाशिकमधील कलाक्षेत्रावर शोककळा पसरली आहे.

अधिक माहिती अशी की, गीता माळी गेल्या तीन महिन्यांपासून अमेरिकेत गेल्या होत्या. मुंबई विमानतळावर आल्यानंतर त्यांचे पती विजय माळी यांच्यासोबत त्या नाशिकला कारने येत होत्या. दुपारी तीन वाजेच्या सुमारास त्यांची कार ठाणे जिल्ह्यातील शहापूर परिसरात असलेल्या लाहे फाटानजीक आली असताना श्वानाला वाचविण्याच्या नादात रस्त्याच्या कडेला उभ्या असलेल्या कंटेनरवर धडकली. या घटनेत माळी यांना गंभीर दुखापत झाली होती.

तात्काळ त्यांना शहापूर येथील ग्रामीण रुग्णालयात दाखल करण्यात आले, मात्र या घटनेत त्यांचा मृत्यू झाल्याची माहिती वैद्यकीय सूत्रांनी दिली. तर पती विजय हे जखमी असून त्यांच्यावर उपचार सुरु आहेत.

२०१७ ऑस्ट्रेलियामधील सिडनी या शहरात वीर सावरकर विश्व साहित्य संमेलन आयोजित करण्यात आले होते. यावेळी गायिका गीता माळी यांना गायनासाठी निमंत्रित करण्यात आले होते. तसेच दैनिक देशदूत आयोजित कर्मयोगिनी पुरस्कारांत गीता माळी यांना नामांकन मिळाले होते.

गीता माळी यांनी संगीत क्षेत्रात उल्लेखनीय कामगिरी करत मजल दरमजल करत त्यांनी नावलौकिक मिळवला होता. त्यांच्या आकस्मित निधनाने कला क्षेत्रात शोककळा पसरली आहे.  माळी यांच्या अपघाताची माहिती मिळताच सोशल मीडियात अनेकांनी श्रद्धांजली अर्पण करत माळी यांच्या आठवणी शेअर केल्या.


गीता माळी यांना देशदूत कर्मयोगिनी पुरस्कारासाठी नामांकन देण्यात आले होते. यावेळी त्यांची मुलाखत देशदूतमध्ये झाली होती; याप्रसंगी गीता माळी यांनी खास शैलीत गाणे गायिले होते. माळी यांच्या गाण्याची आठवण.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!