येवला उत्तर-पूर्व भागात तीव्र पाणीटंचाई

0
चांदगाव | मुकूंद आहिरे येवला तालुक्याच्या उत्तर- पुर्व भागा मध्ये प्रशासनाने गावासाठी ट्रँकर मंजुर करुनही लोकांना पिण्याच्या पाण्यासाठी भटंकती करावी लागत आहे.
तालुक्यात यंदा पाणीटंचाईची तीव्रता अल्प पावसामुळे आधिक आहे. उत्तर- पुर्व भागा मधील काही गावा मधील टँकर हे वर्ष भरापासुन चालुच आहे. या ठिकाणी दुसरा कुठलाही पाण्याचा स्त्रोत नाही. त्यामुळे पाण्याच्या प्रश्‍नाने येथील नागरीक हैरान झाले आहेत.
पशुधन पाळणार्‍यांची यामुळे मोठी कसरत होत आहे. तालुक्यातील अत्यल्प झालेल्या पावसाने खरीप हंगाम वाया गेला असून रब्बीच्या आशाही संंपुष्टात आल्या आहे. काही गावांमध्ये पाण्याचे स्रोत असणारे पाझरतलाव, नालाबांध यामध्ये पाण्याचा साठा नाही.
आता पाणी टंचाईची तीव्रता वाढली असल्याने दिवसाला १ टँकरने गावाची तहान भागवता येत नाही. अनकाई, चांदगाव, नायगव्हाण, कुसमाडी, हाडपसावरगाव, जायदरे, आहेरवाडी, आंबेवाडी, गुजरखेडे, राजापूर, सोमठाणजोश, रेंडाळे आदी गावांना पाणीटंचाईला सामोरे जावे लागत आहे.
टँकर गावा मध्ये दाखल होताच पाणी भरण्यासाठी झुंबड उडत आहे. काहींना पाणी मिळते तर काही पाण्यापासुण वंचित राहतात. यामुळे टँकर चालक ग्रामस्थ असा वादही काही ठिकाणी होतो. काहीचे सांत्वन करुण उद्याच्या फेरीची हमी दिली जाते.
गावातील लोकसंख्या, वाड्या वस्ती, जनावरे यांच्या तुलनेत टँकर द्वारे येणारे पाणी हे अल्प प्रमाणात उपलब्ध होते. यामुळे या भागातील टँकरच्या फेरी वाढवावी. तीव्र पाणीटंचाई या भागात निर्मीण झाली आहे. प्रशासनाकडुन विविध उपाय योजना या भागा मध्ये राबवणे गरजेचे आहे.

टँकर फेर्‍या वाढवुन द्या
या भागातील विहिरीनी तळ गाठल्याने तीव्र पाणीटंचाईला सामोरे जावे लागत आहे. टँकरने होत असलेला पाणी पुरवठा कमी पडत असल्याने या भागातील टँकरच्या फेरी वाढवण्यात यावी.
-आशा साळवे, माजी सभापती पंचायत समिती येवला

LEAVE A REPLY

*