Type to search

Breaking News Featured नाशिक मुख्य बातम्या

दिवाळी २०१९ : महागाईमुळे फराळाचा गोडवा कमी होणार

Share

नाशिक । प्रतिनिधी

दिवाळी म्हटले की उत्साह, चैतन्याचा सण. या काळात गोडधोड खाण्याची पर्वणीच असते. दिवाळी सण आता अवघ्या आठ-दहा दिवासांवर येऊन ठेपल्यामुळे या सणाच्या पार्श्‍वभूमीवर फराळाचे पदार्थ बनवण्यासाठी महिलावर्गाची लगबग सुरू झाली आहे. त्यासाठी लागणारा किराणा खरेदीसाठी सध्या बाजारपेठ गजबजली आहे.

मात्र, ऐन दिवाळीच्या तोंडावर वाढलेल्या महागाईमुळे किराणा मालाच्या दराने चांगलीच उसळी घेतली आहे. या वाढलेल्या महगाईमुळे फराळाचा गोडवा काहीसा कमी होण्याची शक्यता आहे. यामुळे महिलावर्गातही काहीशी नाराजी दिसून येत आहे.

शेंगदाणे दीडशे रुपये किलो
किराणा दुकानांमध्ये खरेदीची लगबग सुरू झाली आहे. फराळासाठी लागणार्‍या डाळींचे भाव मात्र चांगलेच वाढले आहेत. कुरमुरे, डाळ्या यांच्या भावात मागील वर्षीपेक्षा दोन ते तीन रुपयांची वाढ झाली आहे. रेडीमेड फराळ बनवून देणार्‍या आचारीवर्गाकडूनदेखील किराणा माल मोठ्या प्रमाणात खरेदी केला जात आहे. किराणा मालाच्या किमती वाढल्यामुळे ग्राहकांना त्याच्या झळा सोसाव्या लागत आहेत. करंजीसाठी लागणार्‍या खोबर्‍याचे भाव २५ ते ३० रुपयांनी वाढले आहेत. खार्‍या मालासाठी लागणार्‍या पामतेलाचे भावही ८० रुपयांवर आले आहेत.

प्रतिकिलोला अशा आहेत किमती
रवा———–३० ते ३५ रुपये
मैदा———- ३५ ते ४० रुपये
बेसन पीठ——- ८० ते ८५ रुपये
पोहे———— ४५ ते ५० रुपये
साखर———– ३५ ते ४० रुपये
मक्याचे पोहे—— ६० ते ६५ रुपये
मूगडाळ———- ८० ते ९० रुपये
हरभरा डाळ——– ६० ते ६८ रुपये
भाजके कुरमुरे—– ६६ ते ७० रुपये
डालडा तूप——– १०० ते १०५ रुपये
खोबरे———– १८० ते २०० रुपये
खारीक———– २६० ते ३०० रुपये
शेंगदाणे———– १२० ते १४० रुपये
पामतेल———– ८० रुपये लिटर
सोयाबीन तेल—– ८४ रुपये लिटर
सूर्यफूल तेल—– १०० रुपये लिटर

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!