Type to search

Breaking News Featured नाशिक मुख्य बातम्या

२७ ऑक्टोबरला नाशिकहून पुण्यासाठी टेकऑफ

Share

नाशिक । प्रतिनिधी

मागील दोन वर्षापासून बंद पडलेल्या नाशिक -पुणे विमानसेवेला येत्या 27 ऑक्टोंबरपासून सुरुवात होत आहे. अलाएन्स एअर विमान कंपनीतर्फे विमानसेवा पुरवली जाणार आहे. पुणेसाठी बंद पडलेली विमानसेवा पुन्हा सुरु होणार असल्याने दोन्ही शहरातील कनेक्टिव्हिटी वाढणार आहे.

दोन्ही शहरात विमानसेवा सुरु व्हावी यासाठी खा.गोडसे यांचा पाठपुरवा सुरु होता. मात्र, पुणे विमानतळावर टाईम स्लॉट उपलब्ध नसल्याने ही सेवा सुरु होत नव्हती. मात्र, आता नागरी उड्डाण मंत्रालयाने पुणे विमानतळावर टाईम स्लॉट उपलब्ध करुन दिला आहे.

त्यामुळे विमानसेवा सुरु होण्याचा मार्ग मोकळा झाला आहे. येत्या 27 ऑक्टोंबरपासून नाशिक – पुणे विमानसेवा सुरु होईल, असे नागरी उड्डाण मंत्रालयाने जाहिर केले आहे. सोमवार ते शनिवार अशी ही सेवा उपलब्ध असणार आहे. विमानाची आसन क्षमता 70 इतकी असून पन्नास टक्के जागांसाठी आरसीएस योजनेअंतर्गत प्रति प्रवासी एक हजार 620 इतके तिकीट असणार आहे.

एक तासाचा प्रवास
ओझर विमानतळावरुन रोज दुपारी 2.55 मिनिटांनी विमान पुण्यासाठी झेपावेल. 3.55 मिनिटांनी विमान पुणे विमानतळावर पोहचेल. त्यानंतर 4.20 मिनिटांनी पुणे विमानतळावरुन विमान उड्डाण घेईल व 5.20 मिनिटांनी ओझर विमानतळावर उतरेल. नाशिक – पुणे हा प्रवास एक तासात शक्य होणार आहे.

रोड मार्गाने नाशिक – पुणे प्रवासाला किमान पास तास लागतात. विमान सेवा सुरु झाल्यावर अवघ्या एका तासात पुणे गाठणे शक्य होईल. त्यामुळे उद्योग, व्यापाराला मोठी चालना मिळेल.
खा.हेमंत गोडसे

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!