नाशिककर जनतेपुढे , ‘अविश्वास ठराव आणणारे सर्वपक्षीय’ झुकले! : आप

0
सत्ताधारी नाशिक येथे महानगरपालिका आयुक्त तुकाराम मुंढे यांच्या प्रस्तावित करवाढीस आम आदमी पार्टी ने ‘ढोल बजाव‘ आंदोलन करत विरोध केला होता. मात्र ही लोकक्षोभाची  संधी घेत भाजपा व इतर प्रस्थापित पक्षांनी आपली टेंडर मधील कट मार्जीन अडचणीत आणणार्या तुकाराम मुंडे यांचाच पत्ता कट करण्याचा डाव आखला.
हा कट लक्षात आल्यवर आम आदमी पार्टीचे जितेंद्र भावे व इतर सहकार्यांनी या विरोधात नागरिकांशी संवाद साधत या सर्वपक्षीय अविश्वास ठरावाला विरोध करण्याचे ठरवले.  मुंढे यांना पाठिंबा देण्यासाठी नाशिककरांनी आज ‘वॉक फॉर कमिशनर’चं आयोजन केलं होतं.
पोलिसांनी या मोर्चाला परवानगी नाकारल्यानंतरही हजारोंच्या संख्येत नागरिक आज शुक्रवारी रस्त्यावर उतरले. वेगवेगळ्या प्रकारचे फलक हातात घेत नागरिकांनी नाशिक महापालिकेच्या दिशेनं मोर्चा काढला. महापालिकेच्या प्रवेशद्वारावरही मोर्चेकरांनी जोरदार घोषणाबाजी केली. ‘नाशिककरांचा विजय होणारच’, ‘नो गुंडे, ओन्ली मुंढे’ अशा आशयाचे फलक झळकावत लोकांनी मुंढे यांना पाठिंबा दर्शवला.
नागरिकांच्या शिष्ठमंडळाच्या विनंतीवरून मोर्चेकर्यांना भेटण्यासाठी आयुक्त मुंढे स्वत: प्रवेशद्वारावर आले. पाठिंब्याबद्दल त्यांनी नागरिकांचे आभार मानले. यावेळेस ‘करवाढ मागे घेण्याची मागणी लावून धरत आणि सर्व लोकप्रतिनिधीना विश्वासात घेत काम करण्याची अपेक्षा’ नागरिकांच्या वतीने जितेंद्र भावे यांनी व्यक्त केली.
 ‘आपल्याला पारदर्शक कामं करायची आहेत. आपण सर्वांनी मिळून नियमांनुसार कामं करायची आहेत,’ असं यावेळी आयुक्त तुकाराम मुंडे  म्हणाले. ‘जनतेच्या मागणीपुढे हेकेखोर सत्ताधार्यांना मन तुकवावी लागल्याची खूप कमी उदाहरणे आहेत.
प्रामाणिक अधिकार्यासाठी जनता रस्त्यावर उतरते हे नाशिककरांनी चांगले उदाहरण महाराष्ट्रातील जनतेला दाखवून दिले आहे. हा नाशिककर जनतेचा विजय आहे’, असे आप चे प्रवक्ते जितेंद्र भावे यांनी म्हंटले आहे.
*आम आदमी पार्टी ,मीडिया टीम, महाराष्ट्र*

 

LEAVE A REPLY

*