‘देशदूत’ परिवार व नारायणगिरी महाराज फाऊंडेशनच्या वतीने २० ला येवल्यात पतंगोत्सव

0
येवला |प्रतिनिधी येवलानगरी आणि पतंग यांचे नाते अतूट आहे. उडणार्‍या पतंगासह त्याच्या आनंदालाही आकाशाची व्यापकता लाभते. येवलेकरांचा हाच आनंद वृद्धिंगत करण्यासाठी रविवारी (दि.२०) सकाळी १० वाजता शहरातील स्वामी मुक्तानंद विद्यालयाच्या भव्य प्रांगणात ‘देशदूत पतंगोत्सव-२०१९’ चे आयोजन करण्यात आले आहे.
हा सोहळा हजारो येवलेकरांच्या साक्षीने व सर्व लाईन व्यस्त आहेत या मराठी सिनेमातील कलाकारांच्या उपस्थितीत होणार आहे. या सोहळ्यास उपस्थित राहण्याचे आवाहन संयोजकांनी केले आहे.
‘देशदूत, श्री नारायणगिरी महाराज फाऊंडेशन व लिनी इंडस्ट्रीज’ यांच्या संयुक्त विद्यमाने होणार्‍या या सोहळ्यास ‘सर्व लाईन व्यस्त आहेत’ या मराठी सिनेमातील सिनेअभिनेता सिद्धार्थ जाधव, सौरभ गोखले, हेमांगी कवी, स्मिता शेवाळे, संस्कृती बालगुडे, राणी अग्रवाल, निथा शेट्टी हे कलाकार उपस्थित राहून येवलेकरांच्या आनंदात सहभागी होणार आहेत.
तर खास येवलेकरांसाठी सायंकाळी ७ वाजता शहरातील विंचूर रोडवरील महात्मा फुले नाट्यगृहात गीत गुंजन या हिंदी व मराठी गीतांच्या कार्यक्रमाचे आयोजन करण्यात आले आहे.
या दोन्ही कार्यक्रमास मोठ्या संख्येने उपस्थित राहावे, असे आवाहन ‘देशदूत’ परिवारासह नारायणगिरी फाऊंडेशनचे अध्यक्ष तथा उद्योजक विष्णू भागवत, येवला पंचायत समितीचे उपसभापती रुपचंद भागवत यांनी केले आहे.

LEAVE A REPLY

*