आगीत घरातील साहित्य जळून खाक

0

जुने नाशिक | प्रतिनिधी येथील पखाररोडवरील सागर ग्लोरी इमारतीतील एका राहत्या फ्लॅटमध्ये आग लागून घरातील साहित्य जळून खाक झाले. सुदैवाने जीवित हानी झाली नाही. घटनेची माहिती मिळताच मुख्य अग्निशामक केंद्रतून जवानांसह बंब दाखल झाले. सुमारे एक तास अथक परिश्रम करून जवानांनी आग आटोक्यात आणली.

ग्लोरी इमारतीत ११ क्रमांंकाचा फ्लॅट शेख अल्ताफ गुलाम हुसैन यांचा आहे. याच घरातील किचनमध्ये आग लागली होती. आगीचे नेमके कारण समजू शकले नसले, तरी शॉर्ट सर्किटमुळे आग लागल्याचा अंदाज आहे. लिडींग फायरमन इकबाल शेख, मंगेश पिंपळे, विजय शिंदे, राजेंद्र पवार, अनिल गांगुर्डे, देवीदास इंगळे यांच्या पथकाने आगीवर नियंत्रण मिळवले. या आगीत फ्रीज, वॉशिंग मशिन, ओवनसह घरातील साहित्य जळून खाक झाले.

 

LEAVE A REPLY

*