Type to search

Featured नाशिक मुख्य बातम्या

राष्ट्रपती रामनाथ कोविंद यांच्या दौर्‍यासाठी कडेकोट बंदोबस्त; मार्गाच्या दुतर्फा असतील पोलीस तैनात

Share

नाशिक । प्रतिनिधी

लष्कराच्या कार्यक्रमासाठी देशाचे राष्ट्रपती रामनाथ कोविंद हे दोन दिवसाच्या दौर्‍यावर नाशिकमध्ये येत आहेत. त्यांच्या सुरक्षेच्या पार्श्‍वभूमीवर पोलिसांकडून कडेकोट पोलीस बंदोबस्ताचे नियोजन करण्यात आले आहे. राष्ट्रपती येण्या जाण्याच्या संपुर्ण मार्गाच्या दुतर्फा पोलीस तैनात असणार आहेत.
लष्कराच्या आर्टिलरी सेंटर येथे गुरूवारी होणार्‍या विशेष कार्यक्रमासाठी बुधवारी (ता.९) राष्ट्रपती रामनाथ कोविंद हे नाशिकमध्ये दाखल होत आहेत.

ओझर विमानतळ ते आर्टिलरी सेंटर असा त्यांचा वाहन प्रवास असणार आहे. त्यामुळे नाशिक ग्रामीण आणि शहर पोलिसांच्या वाहतूक शाखेसह पोलिसांचा कडेकाटे बंदोबस्ताचे नियोजन पोलीस आयुक्त विश्‍वास नांगरे-पाटील यांच्या मार्गदर्शनाखाली करण्यात आले आहे.

शहर-ग्रामीण पोलीस दलाच्या सुमारे १ हजार पोलीस अधिकारी-कर्मचार्‍यांचे बंदोबस्तासाठी नियोजन करण्यात आलेले आहे. शहर पोलीस आयुक्तालय हद्दीतील १४ पोलीस ठाणे आणि मुख्यालयासह, वाहतूक शाखेतील पोलीस अधिकारी व कर्मचार्‍यांनाही राष्ट्रपती बंदोबस्तामध्ये समाविष्ठ करून घेण्यात आले आहे.

राष्ट्रपतींसाठी विशेष सुरक्षा व्यवस्था असल्याने लष्कर आणि राष्ट्रीय सुरक्षा यंत्रणेचीही विशेष पथके तैनात राहणार आहेत. परंतु शहर आणि ग्रामीण हद्दीतून त्यांचा प्रवास होणार असल्याने त्यांच्या वाहन ताफ्यात कोणताही अनुचित प्रकार घडू नये यासाठीची सर्वतोपरी तयारी शहर पोलीसांकडून करण्यात आली आहे. त्यासाठी सुक्ष्म नियोजन करण्यात येऊन त्याची माहिती वरिष्ठ अधिकार्‍यांनाही देण्यात आली आहे. दरम्यान, सध्या ऐन विधानसभा निवडणुकीच्या धामधुमीमध्ये राष्ट्रपतींचा दौरा असल्याने बंदोबस्ताचा दुहेरी ताण पोलिसांवर आला आहे.

 

Tags:

You Might also Like

Leave a Comment

error: Content is protected !!