Type to search

Breaking News Featured नाशिक मुख्य बातम्या

मालेगावी ४९ करोना पाॅॅझिटिव्ह; रुग्णसंख्या पोहोचली ५०९ वर, नाशिकमध्येही एक अहवाल बाधित

Share
राज्यात करोनाचे रुग्ण बरे होण्याचे प्रमाण साडेतीन पटीने वाढले coronavirus-situation-maharashtra

मालेगावमध्ये ४९, तर नाशिक शहरातील कोणार्कनगर येथील एक संशयित रुग्ण करोनाबाधित

नाशिक | प्रतिनिधी 

आज सकाळी पुन्हा मालेगावमध्ये करोनाचा उद्रेक झाला. २५५ अहवालात ४९ मालेगाव येथील तर एका नाशिक शहरातील रुग्णाला करोनाची लागण झाल्याचे निष्पन्न झाले आहे. आजच्या वाढलेल्या रुग्णांमुळे मालेगावमधील रुग्णसंख्या ५०९ वर तर संपूर्ण नाशिक जिल्ह्याची ६२२ वर पोहोचली आहे. तर नाशिक महापालिका क्षेत्रातील रुग्णसंख्या वाढून आज ४५ वर गेली आहे.

राज्यात कोरोनाबाधितांच्या संख्येत सातत्याने वाढ होत आहे. नाशिकमध्येही करोना विषाणूने थैमान घालायला सुरुवात केली आहे.  काल नाशिक शहरात १८ रुग्ण आढळून आलेल असतानाच आज आणखी कोणार्कनगरमधील रुग्णाचा अहवाल बाधित आल्यामुळे चिंता व्यक्त केली जात आहे.

कालचे ८ रुग्ण हे सातपूर कॉलनीतील होते. तर इतर शहरातील नवीन सिडको, पाटील नगर, श्रीकृष्ण नगर, हिरावाडी आणि मालपाणी सफ्रोन, इंदिरानगर, धात्रक फाटा, तारवाला नगर आणि नाशिक शहरातील एक असे रुग्ण होते.

तर आज सकाळी कोणार्कनगर येथील एका रुग्णाला करोनाची लागण झाल्याचे निष्पन्न झाले आहे. हा रुग्ण काल आढळून आलेल्या रुग्णाचा निकटवर्तीय असल्याचे समजते. तर मालेगावमध्ये आज आढळून आलेले रुग्ण हे इतर बाधित रुग्णांचे निकटवर्तीय असल्याचे समजते.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!