Type to search

नाशिक

बार्‍हे ग्रामिण रुग्णालयात आरोग्यांची हेळसांड

Share

बार्‍हे : वार्ताहर : येथील ग्रामिण रुग्णालयात आरोग्यांची हेळसाड होत आहे. वातावरण बदलामुळे रूग्णांची संख्या वाढत असून त्यांना आरोग्याच्या पुरेशा सुविधा मिळत नाहीत.

आरोग्य केंद्रात गेल्या दोन महिन्यांपासून वीज पुरवठा सुरळीत नाही. रुग्णालयास वीज पुरवठा करणारी डीपी खराब झालेली आहे. याबाबत वीज वितरणच्या अधिकार्‍यांना कळवूनही त्यांनी नवीन डीपी बसविण्याकडे दूर्लक्ष केले आहे. त्यामुळे रुग्णालयात सांयकाळी अंधार असतो. अशा अंधारातच रूग्णांसह रूग्णालयातील कर्मचार्‍यांना आरोग्य सेवा द्यावी लागते.

कधी तर प्रसृतीही अंधारातच कराचवी लागते. रूग्णांना देण्यात येणार्‍या विविध लसी या फ्रिजमध्ये ठेवाव्या लागतात. परंतू वीजच नसल्याने फ्रिज बंद असल्याने या लसीही ठेवता येत नाहीत. त्यामुळे सर्पदंश,डॉग बाईट, धनूर्वात यासारख्या लसी येथे ठेवता येत नाहीत. असे रूग्ण आल्यास कर्मचार्‍यांसह रूग्णांच्या नातेवाईकांची मोठी धावपळ उडते.

पावसाळ्यात सज्जतेची गरज

सध्या पावसाळा सुरू होणार आहे. त्यामुळे वादळामुळे, गारपीठ किंवा अतिवृष्टीमुळे किंवा दुषीत पाण्यामुळे विविध रूग्णांच्या संंख्येत वाढ होण्याची शक्यता लक्षात घेत रूग्णालयात विविध प्रकारच्या लसी, औषधींसह रूग्णवाहिका व शव वाहिका सज्ज ठेवणे गरजेचे आहे. शेतीची कामे सुरू झालेली आहेत. त्यामुळे शेतात साप, विंचू, गोम यासह विविध विषारी किटकांचा त्रास शेतकर्‍यांना होऊ शकतो. त्यामुळे आरोग्य यंत्रणा सज्ज ठेवण्याची गरज आहे. येथे तीन डॉकटारांची गरज असतांना केवळ दोन डॉक्टारांना कामकाज सांभाळावे लागते.

…तर रूग्णालयास कुलूप

बार्‍हे रूग्णालयातील विविध समस्या सोडविल्या न गेल्यास रूग्णालयास कुलूप लावण्याचा इशारा सुरेश महाले, नामदेव पाडवी, मनोज देशमुख , हुशार देशमुख, रामदास जाधव, अनिल जाधव , रामदास देशमुख यांनी इशारा दिला आहे.

Leave a Comment

Your email address will not be published. Required fields are marked *

*

error: Content is protected !!