Type to search

Breaking News नाशिक मुख्य बातम्या

चारा छावण्यांसाठी एक महिन्यात 1 कोटींचा खर्च

Share

नाशिक । प्रतिनिधी
दुष्काळात जनावरांच्या चार्‍या पाण्याची व्यवस्था करण्यासाठी जिल्ह्यात सात चारा छावण्या सुरु आहेत. शासनाकडून पहिल्या टप्प्यात छावण्यांचे देयके अदा करण्यासाठी जिल्हा प्रशासनाला 25 लाखांचे अनुदान प्राप्त झाले होते. जिल्हा प्रशासनाने छावण्यांसाठी नव्याने 70 लाख 59 हजार रुपये अनुदानाची मागणी केली असून तसा प्रस्ताव शासनाला पाठविला आहे. दरम्यान, 15 मे ते 15 जून या कालावधीत छावण्यांवर एक कोटींचा खर्च झाला आहे.

दुष्काळाचा वाढत्या दाहामुळे जिल्ह्यात चार्‍याची मोठी कमतरता निर्माण झाली होती. तसेच, पाण्याचेही मोठे दुर्भिक्ष्य निर्माण झाले होते. त्यामुळे अगोदरच संकटात आलेल्या शेतकर्‍यांना पशूधन जगवायचे कसे हा प्रश्न निर्माण झाला होता. या बिकट परिस्थितीत पशूधन जगविण्यासाठी शासनाने चार्‍या छावण्या सुरु केल्या.

जिल्ह्यात सदयस्थितीत सिन्नर व नांदगाव तालुक्यात प्रत्येकी तीन व येवला तालुक्यात एक चारा छावणी सुरु अांहे. एकूण सात छावण्यांमध्ये 11 हजार 500 लहान मोठी जनावरे दावणीला आहे. छावण्यांचे देयके अदा करण्यासाठी शासनाकडून दोन टप्यात 25 लाखांचे अनुदान जिल्हा प्रशासनाला प्राप्त झाले होते. पहिल्या टप्प्यात 17 लाख व दुसर्‍या टप्प्यात 8 लाखांचे अनुदान देण्यात आले होते.

जिल्हा प्रशासनाने छावण्यांचे उर्वरीत देयके अदा करण्यासाठी 70 लाख 59 हजार रुपयांचा प्रस्ताव शासनाला पाठविला आहे. शासनाकडून लहान जनावरांसाठी दिवसाला 45 रुपये तर, मोठया जनावरांसाठी 90 रुपये अनुदान दिले जाते. तब्बल एक महिन्यांच्या कालावधीत चारा छावण्यांवर साधारणत: एक कोटी रुपयांचा खर्च झाला आहे.

छावण्यांसाठी 70 लाख अनुदानाची मागणी
सिन्नर – 26 लाख 43 हजार 341
येवला – 7 लाख 24 हजार 707
नांदगाव – 36 लाख 91 हजार 855

25 लाख अनुदानाचे वाटप
सिन्नर – 18 लाख 39 हजार 188
येवला – 37 हजार 994
नांदगाव – 6 लाख 48 हजार 617

छावणी                              मोठी                  लहान                          एकूण
जनावरे                जनावरे
सिन्नर                              1501                 457                             1966
नांदगाव                           4118                  718                            4836
येवला                               750                  226                               976
मालेगाव                         3225                  553                              3778
एकूण                            9602                1954                             11556

Tags:

Leave a Comment

Your email address will not be published. Required fields are marked *

*

error: Content is protected !!