Type to search

Breaking News नंदुरबार

१५ व्या वर्षी ध्येय निश्चित करुन स्वराज्य उभारणारे शिवाजीराजे आदर्श

Share

शहादा  – 

जेथे मानवता असते तेथे जात पात पाहिली जात नाही. शिवाजी महाराजांच्या चरित्रातून आपणास हेच पाहावयास मिळते आणि म्हणूनच महाराजांच्या प्रमुख सरदारांमध्ये वीस मुसलमान होते. महाराजांच्या नावातच उर्जा आहे. तुच आहे तुझ्या जिवनाच्या शिल्पकार. ध्येय निश्चित असलेला माणूस कधीच अपयशी होत नाही हे महाराजांकडून शिकले पाहिजे. वयाच्या 15 व्या वर्षीच ध्येय निश्चित करुन स्वराज्य उभे करणारे राजे हे सर्वांचे आदर्श आहेत, असे प्रतिपादन हभप डॉ. विजयजी तनपुरे महाराज यांनी कै.विश्राम काका व्याख्यान मालेचे पहिले पुष्प गुंफताना केले.

येथील शेठ व्ही.के.शहा विद्यालयाच्या आवारात व्याख्यानमालेचे आयोजन करण्यात आले होते. कार्यक्रमाच्या अध्यक्षस्थानी नगराध्यक्ष व संस्थेचे चेअरमन मोतीलाल पाटील, उद्घाटक म्हणून प्रांताधिकारी डॉ.चेतन गिरासे, प्रमुख पाहुणे म्हणून तहसीलदार डॉ.मिलिंद कुलकर्णी, माजी जि.प.सदस्य अभिजित पाटील, रमाकांत पाटील, संस्थेचे उपाध्यक्ष हिरालाल पाटील, सचिव प्रा.ए.के.पटेल, व्ही.एस.पटेल, हैदर नुराणी, नामदेव पटले, विमल पाटील, प्रिती पाटील, डॉ.सखाराम चौधरी सह मान्यवर उपस्थित होते. श्री.तनपुरे म्हणाले, जगावे कसे हे रामायणाने, मरावे कसे हे भागवताने, राष्ट्रासाठी कसे जगावे हे संभाजीने तर राज्य कसे करावे हे राजा शिवाजी महाराजांनी शिकवले. संपूर्ण जग हे चालविण्यासाठी चार जण कारणीभूत आहेत. डॉक्टर खोट बोलला तर पेशंटचे नुकसान होते, शिक्षक खोटे बोलला तर विद्यार्थ्यांचे, पुढारी खोटे बोलला तर जनतेचे व संत खोटे बोलले तर संस्कृतीचा नायनाट होतो. छत्रपतींनी सर्वाना अधिकार दिले होते म्हणून स्वातंत्र्य चिरकाल टिकले व तेच आजचा राज्यकर्त्यानीदेखील लक्षात ठेवावे.

डॉ.चेतन गिरासे म्हणाले की आदर्श राजा म्हणून आजही शिवाजी महाराजांकडे पाहिले जाते. महसूल क्राफ्ट लोन ही परंपरा पहिल्यांदा शिवाजी  राजांनीच सुरु केली. नौदल स्थापून व विविध धर्माचे लोक एकत्र आणून राजांनी स्वातंत्र्य स्थापन केले. मोतीलाल पाटील म्हणाले, आजच्या पिढीची अवस्था ही भयानक आहे. पिढी सुधारण्यासाठी ज्येष्ठ व पालकांनी पुढे यावे, असे आवाहन केले.  कार्यक्रमाच्या सुरुवातीला आधुनिक तंत्रज्ञानाच्या वापर करत मान्यवरांच्या हस्ते रिमोटने उद्वघाटन करुन दीपप्रज्वलन करण्यात आले. कार्यक्रमाचे प्रास्ताविक संस्थेचे सचिव प्रा.ए.के.पाटील यांनी केले. सुत्रसंचलन संजय भोई यांनी केले.

 

 

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!