Type to search

नंदुरबार

दोन दिवसात दोन लाखाच्या अवैध मद्यावर कारवाई, राज्य उत्पादन शुल्क विभागाची कारवाई

Share

शहादा । ता.प्र. – विधानसभा निवडणुकीच्या पार्शभुमीवर राज्य उत्पादन शुल्क विभागाच्या भरारी पथकाने जलोला ता.धडगाव व धानोरा, पिंपळोद, खांडबारा परिसरात दोन दिवसात सुमारे दोन लाखांच्या अवैध मद्यविक्रीवर कारवाई केली आहे. याप्रकरणी चौघांविरुद्ध गुन्हा दाखल करण्यात आला असून त्यांच्याकडून मुद्देमाल हस्तगत करण्यात आला आहे.

दि.2 ऑक्टोबर रोजी विभागीय उपायुक्त श्री.ओहोळ, अधीक्षक युवराज राठोड यांच्या मार्गदर्शनाखाली धडगांव येथील जलोला येथे अवैध मद्यविक्रीवर कारवाई करण्यात आली. या कारवाईत ओल्ड प्रोफेसर प्रिमीयम व्हिस्कीचे एकुण 25 बॉक्स (1200 सिलबंद बाटल्या), रॉयल पटियाला व्हिस्की एकुण 2 बॉक्स (96 सिलबंद बाटल्या), असे एकुण 27 बॉक्स जप्त असा एकुण 1 लाख 29 हजार 600 रुपयांचा मुद्देमाल जप्त करण्यात आला आहे. सदर कारवाई निरीक्षक मनोज संबोधी, अनुपकुमार देशमाने, दुय्यम निरीक्षक प्रशांत पाटील, जवान हेमंत पाटील, अजय रायते, हर्षल नांद्रे यांनी केली. पुढील तपास मनोज संबोधी करत आहेत.

83 हजाराचा मुद्देमाल
दरम्यान, आज दि.4 रोजी नंदुरबार विभागाच्या मोहीमेत धानोरा, पिंपळोद, खांडबारा येथे अवैध मद्यविक्री, ताडीवर केलेल्या कारवाइत 83 हजार 494 रुपयांचा मुददेमाल जप्त करण्यात आला आहे.

धानोरा, पिंपळोद, खांडबारा येथे अवैध मद्यविक्रीवर कारवाई करण्यात आली. या कारवाईत विदेशी मद्य 21.38 ब.लि,(2.5 बॉक्स), बिअर 40.95 ब.लि.(8.5 बॉक्स), देशी मद्य 61.56 ब.लि, (7 बॉक्स), ताडी 175 लि.एक दुचाकी वाहन (क्र.टीएस 5-इजी 3251) जप्त करण्यात आले. एकुण 83 हजार 494 रुपयांचा मुद्देेमाल जप्त करण्यात आला असून मोहन करणसिंग वसावे, दिपक रेगजी वळवी, स्वामी पोंगुला यांच्याविरुद्ध म.दा.का 1949 अंतर्गत कारवाई करण्यात आली. सदर कारवाई मनोज संबोधी, दुय्यम निरीक्षक एस.के.बाविस्कर, योगेश पाटील, योगेश सुर्यवंशी, सहा.दुय्यम निरीक्षक रामसिंग राजपूत, जवान हेमंत पाटील, अजय रायते, हर्षल नांद्रे, अविनाश पाटील यांच्या पथकाने केली

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!