Type to search

maharashtra नंदुरबार

सारंगखेडा येथील यात्रोत्सवास आजपासून सुरुवात

Share

सारंगखेडा  – 

सारंगखेडा येथील महानुभाव संप्रदायाचे प्रमुख श्रध्दास्थान असलेल्या एकमुखी दत्ताच्या यात्रेला उद्या दि. 11 डिसेंबरपासून प्रारंभ होत आहे.  उद्या दहा हजार भाविकांच्या उपस्थितीत सायंकाळी 7 वाजता महाआरती करण्यात येणार आहे.

प्रशासनातर्फे यात्रेची जय्यत तयारी करण्यात आली आहे. यात्रेनिमित्त भरणार्‍या घोडे बाजारात आतापर्यंत दोन हजार पाचशे घोडे दाखल झाले आहेत. त्यापैकी 40  घोडयांची विक्रीतून 25 लाख रुपयांची उलाढाल झालेली आहे. यंदाच्या अश्व बाजारात लाखो रुपयांचे घोड्यांचे आकर्षण ठरणार राहणार आहे.

जातीवंत घोडयांचा बाजारासाठी प्रसिद्ध असलेल्या येथील यात्रेची  व चेतक फेस्टिवलची महिन्याभरापासून तयारी सुरु होती. येथील चेतक फेस्टिव्हल समिती, ग्रामपंचायत , पोलीस प्रशासन, विज वितरण कंपनी, महसुल विभाग, शहादा कृषी उत्पन्न बाजार समिती, दत्त मंदिर संस्थान यांनी यात्रेचे नियोजन केले आहे.

यात्रेत संसारोपयोगी साहित्य विक्रीसह इतर व्यावसायिकांनी दुकाने थाटली आहेत. याशिवाय मनोरंजनाचे कार्यक्रम सादर करणारे कलावंतही दाखल झाले आहेत. यंदा प्रथमच अहमदाबाद येथील अत्याधुनिक झुले येथे दाखल झाले आहेत. मौत का कुवा मध्येही बदल झाला असून या कुव्यात बुलेट फिरविण्यात येणार आहेत. त्यामुळे मनोरंजनाचा साधनामध्ये लक्षवेधी झुाल्याची चर्चा रंगू लागली आहे.

महाआरती होणार

येथील दत्त मंदिरापासून उद्या दि.11 रोजी सायंकाळी 7 च्या सुमारास दत्त मूर्तीची पालखी मिरवणूक काढण्यात येणार आहे. तत्पूर्वी दहा हजार भाविकांच्या उपस्थितीत महाआरतीचे आयोजन करण्यात आले आहे. एकाच वेळी हजारावर भाविकांच्या हातात प्रज्वलित दिवे असतील. त्याद्वारे आरती होणार आहे.  त्यासाठी श्री दत्त मंदिर संस्थानतर्फे नियोजन करण्यात करण्यात येत आहे.

दत्त मंदिर संस्थानतर्फे तयारी पूर्ण

दत्त मंदिर संस्थानतर्फे तयारी पूर्ण झाली आहे . भाविकांना प्रवेशासाठी बॅरिकेट्स करण्यात आले आहेत. भाविकांना गैरसोय होऊ नये यासाठी उपाययोजना करण्यात येत आहेत. मंदिरात दर्शनासाठी, नवस फेडण्यासाठी भाविकांची गर्दी होते. त्यासाठी वेगवेगळे बॅरिकेट्स लावण्यात येणार आहेत.

मंदिराच्या गाभार्‍यात दर्शनासाठी भाविकांना टप्प्याटप्प्याने सोडण्यात येईल. नारळ वाढविण्यासाठी स्वतंत्र जागेची व्यवस्था केली आहे. मंदिर आवारात असलेल्या दक्षिणेकडील विश्रामगृहात पोलीस कर्मचार्‍यांची राहण्यासाठी व्यवस्था केली आहे. यात्रा काळात भाविकांच्या सुरक्षितेवर लक्ष ठेवण्यासाठी दहा सीसीटीव्ही कॅमेरे कार्यान्वीत करण्यात आले आहेत.

 

Tags:

You Might also Like

Leave a Comment

error: Content is protected !!