Type to search

नंदुरबार

शहरात शांतता राखणे नागरिकांचे कर्तव्य-खा.डॉ.हीना गावीत

Share

नंदुरबार । सोशल मिडीयावर प्रसारीत केलेल्या पोस्टमुळे कायदा व सुव्यवस्थेचा प्रश्न निर्माण होवून अशांतता पसरत असते. त्यामुळे सोशल मिडीयावरची पोस्टची खातरजमा करावी तसेच शहराची शांतता राखणे केवळ पोलीसांचे नव्हे तर सर्व नागरीकांचे कर्तव्य असल्याचे प्रतिपादन खा.डॉ.हिना गावीत यांनी केले.

नंदुरबार येथे राम जन्मभुमी व बाबरी मशिद प्रकरणावर सर्वोच्च न्यायालयाकडुन निकाल येणार आहे. तसेच मुस्लिम बांधव ईद ए मिलाद सण साजरा होणार आहे. त्या पार्श्वभुमीवर आयोजित शांतता समितीच्या बैठकीत खा.डॉ. हिना गावीत बोलत होत्या. व्यासपीठावर भाजपाचे जिल्हाध्यक्ष विजय चौधरी, अप्पर पोलीस अधिक्षक चंद्रकांत गवळी, उपविभागीय पोलीस अधिकारी रमेश पवार, निवासी नायब तहसिलदार गोपाळ पाटील, स्थानिक गुन्हे अन्वेषण शाखेचे पोलीस निरीक्षक किशोर नवले, मौलाना अबदाल, शहर पोलीस निरीक्षक सुनिल नंदवाळकर, उपनगर पोलीस निरीक्षक भापकर, वाहतुक शाखेचे पोलीस निरीक्षक आल्हाद आदी उपस्थित होते. यावेळी उपस्थितांना मार्गदर्शन करतांना खा.डॉ.हिना गावीत पुढे म्हणाल्या की, मागील पाच वर्षात सोशल मिडीयाच्या गैरवापरामुळे दंगली घडल्या आहेत. समाजकंटकंकडून जाणीवपूर्वक आक्षेपार्ह पोस्ट प्रसारीत करण्यात येत असल्यामुळे कायदा व सुव्यवस्थेचा प्रश्न निर्माण होत असतो. परंतु नागरीकांना सोश मिडीयावर येणार्‍या पोस्टची खातरजमा करावी, असे सांगत शहर हे आपले आहे. शहरात शांतता राखणे हे प्रत्येक नागरीकाचे कर्तव्य असल्याचे प्रतिपादन खा.डॉ.गावीत यांनी केले. त्यानंतर भाजपाचा जिल्हाध्यक्ष विजय चौधरी  म्हणाले की, उच्च न्यायालयाच्या निर्णयानंतर नंदुरबार शहरासह जिल्ह्याची शांतता कशी अबाधित राहिल. यासाठी दिु मुस्लिम बांधवांनी एकत्रितरित्या जबाबदारी पार पाडावी. असे सांगितले.

शहराची शांतता राखणे ही प्रत्येक नागरीकाचे कर्तव्य आहे. नंदुरबारात दंगल झाल्यानंतर शहराची अर्थव्यवस्था ढासळून जाते. आगामी काळात महत्वाचा असून शहराचे वातावरण दुषित होणार नाही. याची प्रत्येकाने काळजी घ्यावी असे आवाहन केले.अप्पर पोलीस अधिक्षक चंद्रकांत गवळी म्हणलो की, नंदुरबार शहर हे अतिसंवेदनशिल शहर होते. परंतु गत दोन वर्षांपासून गणेशोत्सव व मोहरम सण एकत्र येवूनही हिंदु मुस्लिम बांधवांच्या सहकार्याने हे सण शांततेने पार पडले. शहराची शांतता राखण्यासाठी नागरीकांचे सहकार्य महत्वाचे असून आगामी ईद ए मिलाद ण व सर्वोच्च न्यायालयाच्या निकालानंतर कोणीही घोषणाबाजी करून कुणाच्या भावना दुखवू नये, असे आवाहन अपर पोलीस अधिक्षक चंद्रकांत गवळी यांनी केले. शहराची शांतता राखण्यासाठी आगामी दोन दिवसात मोहल्ला कमिटीच्या बैठका घेणार असल्याचेही श्री. गवळी यांनी सांगितले. यावेळी गजेंद्र शिंपी, मालती वळवी, प्रकाश माळी, संतोष पाटील, मोहन माळी, एजाज बागवान, माणिक माळी, रफकत हुसेन, नरेंद्र पाटील, पप्पु कुरेशी यांनी मनोगत व्यक्त केले. शांता समिती सभेचे प्रास्ताविक उपविभागीय पोलीस अधिकारी रमेश पवार यांनी तर पोलीस निरीक्षक नंदवाळकर यांनी सुत्रसंचालन केले.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!