Type to search

maharashtra नंदुरबार

दुर्गावाहिनी शौर्य शोभायात्रेने वेधले शहरवासीयांचे लक्ष

Share
नंदुरबार । नंदुरबार येथे विश्व हिंदु परिषदेतर्फे दुर्गावाहिनी शौर्य प्रशिक्षण वर्गाच्या समारोप प्रसंगी शोभायात्रेचे आयोजन करण्यात आले होते.शोभायात्रेने शहरवासीयांचे लक्ष वेधुन घेतले. शोभायात्रेत मोठया संख्येने युवतींनी सहभाग घेतला होता.

विश्व हिंदू परिषदेतर्फे नंदुरबार शहरातील चौपाळे शिवारात के.आर.पब्लिक.स्कुल येथे दि.9 ते दि.16 मे दरम्यान दुर्गावाहिनी शौर्य प्रशिक्षण वर्गाचे आयोजन करण्यात आले होते. शौर्य प्रशिक्षण वर्गाच्या समारोप प्रसंगी शहरातुन अंधारे चौकातून भव्य शोभायात्रा काढण्यात आली शहरातील श्रॉफ हायस्कुल येथून शोभा यात्रेला सुरूवात करण्यात आली होती. शोभायात्रेत मोठया संख्येने युवतींनी सहभाग घेतला होता. शहरातील अंधारे स्टॉप, शास्त्री मार्केट, गणपती मंदिर, सोनार खुंट, जळका बाजार, चैतन्य चौक येथून मार्गस्थ होवून मोठा मारूती मंदिराजवळ सांगता करण्यात आली. यावेळी शोभायात्रेत सहभागी युवतींच्या घोषणांनी शहर दणाणले होते. युवतींकडून जुनी पालिका परिसरात स्वरक्षणार्थ विविध प्रात्यक्षिकांचे सादरीकरण करण्यात आले. फुलांनी सजविलेल्या एका ट्रॅक्टरद्वारे भारत माता, दुर्गा माता, छत्रपती शिवाजी महाराज आदींचा सजीव देखावाही साकारण्यात आला होता.

समारोेप प्रसंगी कार्यक्रमाचे अध्यक्ष म्हणून किशोर वाणी,तसेच प्रमुख पाहुणे म्हणून विश्व हिंदू परिषदेचे देवगिरी प्रांताचे अध्यक्ष आण्णा बाळगजी, देवगिरी प्रांत मंत्री आनंद पांडे, आशीर्वाद साध्वी रेणुकामाताजी,प्रांत उपाध्यक्ष घनश्याम धनकानी, प्रांत सहमंत्री ललित चौधरी, प्रांत दुर्गावाहिनी महिला पालक धोंडू माळी, मातृशक्ती प्रमुख कुंदा आंदोरे,दुर्गा वहिनी प्रमुख सुवर्णा ढोले, वर्ग कार्यवाहक उषा गिरासे, रत्ना कलाल, जिल्हा कार्याध्यक्ष अजय कासार आदी उपस्थित होते. यावेळी प्रमुख पाहुणे किशोर वाणी व आण्णा बाळगजी यांनी आपले मनोगत व्यक्त केले.प्रास्ताविक उषा गिरासे यांनी केले तर आभार रत्ना कलाल यांनी व्यक्त केले.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!