Type to search

Breaking News नंदुरबार मुख्य बातम्या

पाच वर्षांपासून फरार आरोपीस ठोकल्या बेड्या

Share

नंदुरबार । तळोदा येथील अपघात प्रकरणातील 5 वर्षापासुन फरार असलेल्या आरोपीला सोलापूर जिल्ह्यातुन स्थानिक गुन्हे अन्वेषण शाखेने अटक केली आहे.

पोलीस अधिक्षक महेंद्र पंडीत मार्गदर्शनाखाली स्थानिक गुन्हे अन्वेषण शाखेचे वरिष्ठ पोलीस निरीक्षक किशोर नवले हे गुन्हा घडल्यापासुन अद्यापपर्यंत अटक न झालेले फरार व पाहिजे आरोपीतांचा शोध घेत फरार व पाहिजे आरोपीतांचा शोध घेत होते. दि.14 फेब्रुवारी 2014 रोजी तळोदा पोलीस ठाणे हद्दीतील सिंगपुर गावाचे शिवारात जहांगीर रामजी वसावे हे त्यांच्या मोटरसायकलने तळोदा येथे जात असतांना समोरुन भरधाव वेगात येणार्‍या ट्रॅक्टरवरील चालकाने मोटर सायकलवरील व मागे बसलेल्या इसमास जोरदार धडक दिल्याने दोन्ही गंभीर जखमी होवून रस्त्याच्या बाजुला पडले. ट्रॅक्टर चालकाने त्यांची मदत न करता घटनास्थळावरून ट्रॅक्टरसह आजपर्यंत फरार होता. म्हणून अज्ञात आरोपीताविरुध्द तळोदा पोलीस ठाण्यात गुन्हा दाखल करण्यात आला होता.

दरम्यान, तळोदा जवळील ऊस कारखान्यातील एका ट्रॅक्टर चालकाकडून अपघात झाल्याने त्याचा ट्रॅक्टरचा पासिंग क्रमांक गोपनिय बातमिदारकडून प्राप्त करून सदर आरोपी सोलापूर जिल्ह्यातील असल्याचे निष्पन्न झाले, परंतु फरार आरोपीताची कुठल्याही प्रकारची ओळख, आरोपीताचा फोटोग्राफ नसतांना किंवा इतर उपयुक्त अशी माहिती उपलब्ध नसतांना स्थानिक गुन्हे अन्वेषण शाखेच्या पथकाने अकोले खुर्दे ता. माढा जि. सोलापुर येथे जावुन आरोपी एका जंगलात शेती करुन राहत असल्याची खात्रीशीर बातमी मिळविली. दि.16 ऑक्टोंबर 2019 रोजी पथक आरोपीच्या शोधण्यासाठी अकोले खुर्द येथे जावुन मिळालेल्या बातमीप्रमाणे आरोपी राहत असलेल्या ठिकाणी संपूर्ण वेषांतर करून सापळा रचून आरोपीच्या घरी येणारे जाणार्‍या इसमांची बारीक बारीक माहिती जमा करुन पथकाने रात्री अचानक जंगलातील त्याचे घरी जावुन दरवाजा ठोकला असता आरोपी मागील दरवाजाने पळुन जाण्याचा अयशस्वी प्रयत्न केला,

परंतु तत्पर असलेल्या स्थानिक गुन्हे अन्वेषण शाखेच्या पथकाने रात्रीच्या वेळेस अंधारात त्याचा पाठलाग करुन शिताफीने सदर आरोपीला ताब्यात घेतले. त्याची प्राथमिक विचारपूस करुन पुढील कारवाईसाठी तळोदा पोलीस ठाण्याच्या ताब्यात दिले. सदरची कामगिरी पोलीस अधिक्षक महेंद्र पंडीत,अपर पोलीस अधिक्षक चंद्रकांत गवळी यांचे मार्गदर्शनाखाली स्थानिक गुन्हे अन्वेषण शाखेचे वरिष्ठ पोलीस निरीक्षक किशोर नवले पोलीस हवालदार प्रदिप राजपुत, पोना प्रमोद सोनवणे, किरण पावरा, मोहन ढमढेरे यांचे पथकाने केली आहे. पोलीस अधिक्षक महेंद्र पंडीत यांनी सदर पथकाचे अभिनंदन केले आहे.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!