गोमाई नदीवर मिनी बॅरेज न बांधल्यास निवडणूकीवर बहिष्कार

शहादा तालुक्यातील 11 गावांच्या गावकर्‍यांचे तहसीलदारांना निवेदन

0
शहादा  ता.प्र.  : तालुक्याच्या उत्तर भागात गोमाई नदीवर मिनी बॅरेजबांधून सिंचनाची सोय उपलब्ध करून द्यावी, अन्यथा लोकसभा निवडणुकीवर बहिष्कार टाकण्याचा इशारा 11 गावाच्या ग्रामस्थांनी तसेच ग्रामपंचायत पदाधिकारी यांनी तहसिलदारांना दिलेल्या निवेदनात म्हटले आहे.

शहादा तालुक्यातील दामळदा, गोगापूर, भागापूर, टुकी, ओझर्टा, भोरटेक, तिधारे, कुरंगी, वडवी, चिखली आणि जाम या 11 गावांमध्ये भिषण पाणी टंचाई परिस्थिती उद्भवली आहे. दरवर्षी या गावांना पाणी टंचाईचा सामना करावा लागत आहे. त्यामुळे या भागात गोमाई आणि उंबर्री नदीवर मिनी बॅरेज बांधण्याची 20 वर्षापुर्वीची जुनी मागणी आजही कायम आहे.

त्यासंदर्भात या 11 गावांनी सातत्याने पाठपुरावाही करून देखील मार्ग निघत नसल्याने या गावातील ग्रामपंचायत पदाधिकारी व ग्रामस्थांनी निवडणुकीवर बहिष्काराचा इशारा दिलेला आहे. यासंदर्भात तहसिलदार मनोज खैरनार यांना निवेदन देखील देण्यात आले आहे.

निवेदनावर दामळदा सरपंच हरीराम मालचे, उपसरपंच डॉ.विजय चौधरी, भरत सजन पाटील, गणपत ठाकरे, रंजनाबाई पाटील, द्वारकाबाई माचले, ओझर्टा सरपंच गणेश वळवी, उपसरपंच भरत पवार, जामचे सरपंच ईश्वर वाघ, उपसरपंच सुनिल पवार, भोरटेक सरपंच गिताबाई जयसिंग पवार, उपसरपंच सुनिल जगतसिंग पवार, ईश्वर जयराम वसावे, प्रदीप बोरसे, महेंद्र शेमळे, गोगापूर सरपंच यमुनाबाई सोनवणे, भागापूर सरपंच रमेश पवार,उपसरपंच निलेश मगन पाटील, टुकीच्या सरपंच संगिताबाई पवार, आदी 11 गावातील ग्रामस्थांचा स्वाक्षर्‍या आहेत.

पिण्यासोबतच शेतीसाठीही पाणी मिळत नसल्याने या परिसरात पाणी टंचाईचा सामना करावा लागत असल्याने दामळदा परिसरातून वाहनार्‍या गोमाई नदीवर मिनी बॅरेज बांधल्यास साधारणतः तीन हजा हेक्टर जमिन सिंचनाखाली येणार आहे.

यातून शेतीसाठी व पिण्याचे पाण्याचा प्रश्न मार्गी लागू शकेल. शिवाय गोमाई नदीची सुरू असलेली हानी कमी होवून काठावरील गावे व शेतीला संजीवनी मिळणार आहे. प्रशासनाने या मागणीकडे गांभीर्याने लक्ष देण्याची गरज असल्याचे या परिसरातील ग्रामस्थांनी अपेक्षा व्यक्त केली आहे.

LEAVE A REPLY

*