नंदुरबारमध्ये डॉ.सुहास नटावदकरांच्या बंडखोरीमुळे वकील व डॉक्टरांमधील लढत रंगतदार!

0
महेश पाटील | नंदुरबार :  नंदुरबार लोकसभा मतदार संघ हा काँग्रेसचा बालेकिल्ला असतांना 2014 च्या लोकसभा निवडणुकीत भाजपाने बालेकिल्ल्याला सुरूंग लावल्याने भाजपाचा उमेदवार निवडुण आणला .यंदाच्या निवडणुकीत काँग्रेस आ.अ‍ॅड.के.सी.पाडवी व भाजपाच्या खा. डॉ. हिना गावित यांच्या थेट लढत होईल असा अंदाज बांधला जात असतांना डॉ.सुहास यांनी अपक्ष उमेदवारी दाखल केल्याने निवडणूक रंगतदार झाली आहे.

निवडणुकीत उच्चशिक्षित उमेदवार उभे आहेत सुरुवातीला दुहेरी वाटणारी सरळ लढत आता तिरंगी झाली आहे. वकील व डॉक्टरांमध्ये होणार्‍या लढतीत मतदार राजा कौल कुणाच्या पारड्यात टाकतो हे निकाला नंतरच स्पस्ट होणार आहे.

नंदुरबार लोकसभा मतदार संघ हा काँग्रेसचा बालेकिल्ला म्हणून ओळखला जात होता. 1957 च्या लोकसभा निवडणूकीत लक्ष्मण वेडू वळवी हे प्रजा समाजवादी पक्षाकडून निवडून आले होते. मात्र, 1962 ला झालेल्या निवडणूकीवेळी लक्ष्मण वळवी काँग्रेस पक्षाकडून निवडून आले. तेव्हापासून म्हणजे तब्बल 52 वर्षापासून नंदुरबार लोकसभा मतदार संघावर काँग्रेसचे अधिराज्य आहे. 1971 मध्ये तुकाराम हुरजी गावीत विजयी झाले होते. 1977 मध्ये माजीमंत्री सुरुपसिंग नाईक विजयी झाले. 1980 मध्ये झालेल्या पुन्हा सुरुपसिंग नाईक निवडून आले.

मात्र, 1984 मध्ये ना.माणिकराव गावीत यांनी विधानसभा निवडणूक लढवली. तेव्हापासून ते नंदुरबार लोकसभा मतदार संघाचे नेतृत्व करीत होते. या 30 वर्षात ना.माणिकराव गावीत सलग नऊ वेळा विजयी झाले होते. माणिकराव गावीत यांनी 1981 पासून भाजपाचे कुवरसिंग वळवी, झिणा सामा वसावे, दिलवरसिंग पाडवी, डॉ.सुहास नटावदकर आदींचा पराभव केला आहे. माणिकराव गावीतांनी कुवरसिंग वळवी यांना चार वेळा पराभूत केले आहे. वळवी यांना सुरुपसिंग नाईक यांनीदेखील एकदा पराभूत केले आहे. याशिवाय अ‍ॅड.पद्माकर वळवी, गोविंदराव वसावे, अ‍ॅड.के.सी.पाडवी यांचाही गावीतांनी पराभव केला आहे.

गेल्या 30 वर्षापासून भाजपा या मतदार संघात लोकसभेची निवडणूक जिंकण्यासाठी संघर्ष करत असतांना, यापुर्वी तळोदा, अक्कलकुवा, शहादा मतदार संघ हा भाजपाचा बालेकिल्ला होता. दिलवरसिंग पाडवी, डॉ.नरेंद्र पाडवी यांनी तळोदा- अक्कलकुवा मतदार संघाचे प्रतिनिधीत्व भाजपाकडून केले आहे. तर शहाद्यात आ.जयकुमार रावलांनी प्रतिनिधीत्व केले आहे. परंतू हा बालेकिल्ला अभेद्य राहिला नाही. असे असतांना 2014 च्या लोकसभेच्या लोकसभा निवडणुकीत मोदी लाटेमुळे भाजपाने काँग्रेसच्या बालेकिल्ल्याला सुरूंग लावल्याने भाजपाच्या खा.डॉ.हिना गावीत निवडुन आल्या.

यंदाच्या निवडण्कीत सुरुवातीला दुहेरी वाटणारी सरळ लढत आता तिरंगी झाली आहे.काँग्रेसचे अ‍ॅड.के.सी.पाडवी व भाजपच्या खा. डॉ. हिना गावित यांच्या थेट लढत होईल.असा अंदाज बांधला जात असतांना डॉ.सुहास नटावदकर यांनी अपक्ष अपक्ष उमेदवारी केल्याने निवडणूक रंगतदार झाली आहे.यंदाच्या निवडणुकीत उच्च शिक्षीत उमेदवार उभे आहेत. भाजपच्या खा.डॉ. हिना गावित यांचे शिक्षण एमडी मेडिसिन तर काँग्रेसचे उमेदवार आ.अ‍ॅड.के.सी.पाडवी एल.एम.एम.झालेले आहेत अपक्ष उमेदवारी करणारे डॉ.सुहास नटावदकर यांचे एमबीबीएस पर्यंत शिक्षण झाले आहे.

याच सोबत बहुजन वंचित आघाडी नेही एमडी मेडिसिन असणार्‍या डॉ.सुभाष अंतुर्लीकर यांना उमेदवारी दिली आहे.त्यामुळे यंदाच्या निवडणुकीत तीन डॉक्टर,एक वकील उमेदवारी करीत आहे.त्यामुळे नंदुरबार लोकसभा मतदारसंघातील मतदारांना उच्चशिक्षित उमेदवार मिळाले आहेत एवढे मात्र खरे.

सध्या तरी वाढते तापमान.जाहीरनाम्यातील न पटलेल्या मुद्दे स्थानिक समस्यांना बगल दिल्याने मतदारांमध्ये निरुत्साह दिसून येत आहे. दुष्काळाची झळा सोसणार्‍या नंदुरबार जिल्हात निवडण्कीमुळे दुष्काळाच्या उपायोजना बाजूला पडल्याचेही चित्र दिसत आहे. डॉ.सुहास नटावदकर यांच्या उमेदवारीमुळे मतविभाजनाचे फटका कोणाला बसेल. कोण जिंकणार हे बघणे उत्सुकतेचे ठरणार आहे.

या तिघा उमेदवारांबरोबरच बहुजन वंचित आघाडी व इतर पक्षांसह अपक्ष उमेदवार किती मते मिळवणार याचेही गणित उमेदवारांकडून लावण्यात येत आहे.वकील व डॉक्टरांमध्ये होणार्‍या लढतीत कोण बाजी मारणार हे 23 मे नंतरच समजनार आहे.

LEAVE A REPLY

*