Type to search

नंदुरबार

नंदुरबारला प्रलंबित मागण्यांसाठी अंगणवाडी कर्मचार्‍यांचा मोर्चा

Share

नंदुरबार ।  प्रतिनिधी :   अंगणवाडी कर्मचार्‍यांच्या विवीध प्रलंबित मागण्यांसाठी जिल्हाधिकारी कार्यालय व जिल्हापरिषदेवर महाराष्ट्र राज्य अंगणवाडी कर्मचारी संघटनेतर्फे मोर्चा काढण्यात आला होता. याबाबत शिष्टमंडळाने मुख्याधिकारी विनय गौडा यांनी मागण्या मान्य केल्याने अंगणवाडी केंद्रांचे कामकाज बंद मागे घेण्यात आला.

महाराष्ट्र राज्य अंगणवाडी कर्मचारी संघटनेतर्फे विविध प्रलंबित मागण्यांसाठी शासनाचे व प्रशासनाचे लक्ष वेधुन घेण्यासाठी आज जिल्हाधिकारी व जिल्हा परिषद कार्यालयावर मोर्चा काढण्यात आला. सदर मोर्चा नवापूर चौफुली नंदुरबार येथुन दुपारी 12 वाजता निघाला याबाबत शिष्टमंडळाने मुख्याधिकारी विनय गौडा यांना देण्यात आलेल्या निवेदनात नवसंजीवनी सदस्य गाभा समिती, नर्मदा बचावचे कार्यकर्ते, जनार्थ इतर संस्थेचे एनजीओ यांच्याकडून अंगणवाडी कर्मचारी यांना दिला जाणारा त्रास ताबडतोब थांबविण्यात यावा. स्वयंसेवी संस्था (एनजीओ) यांना सचिव यांचे दि. 7 जुन रोजीच्या आदेशान्वये एनजीओ यांना शासनाची पूर्व परवानगी घेतल्याशिवाय अंगणवाडी केंद्रात प्रवेश देण्यात येवू नये.

अंगणवाडी सेविका मदतनीस व मिनी अंगणवाडी सेविका यांचे प्रलंबित एकरकमी पेन्शन योजनेचे प्रस्ताव ताबडतोब मंजुर करण्यासाठी जि.प. तर्फे शासन स्तरावर पाठपुरावा करण्यात यावा. अमृत आहार योजनेचे पैसे संपले असतांना अमृत आहार योजना सुरु ठेवण्याची सक्ती थांबविण्यात यावी. तसेच अमृत आहार योजनेचे पैसे ताबडतोब प्रकल्प स्तरावर पाठविण्यात यावेत. अमृत आहार योजनेचे आहार तयार करण्यासाठी प्रकल्प स्तरावर स्थानिक गॅस एजन्सीकडून सिलेंडर उपलब्ध करुन देण्यात यावे.

अप डाऊन करणारे अंगणवाडी कर्मचार्‍यांवर कारवाई करण्याचे आदेश ताबडतोब रद्द करण्यात यावेत. तोरणमाळ प्रकल्पातील अंगणवाडी कर्मचारी यांना ओटी भरण व अर्धवार्षिक वाढदिवसाचे पैसे ताबडतोब देण्यात यावी. जिल्ह्यातील अंगणवाडी कर्मचारी यांचे थकीत प्रवास भत्ते ताबडतोब अदा करण्यात यावे. ज्या अंगणवाडी कर्मचार्‍यांना ऑनलाईन मानधन देण्यात येत नाही, त्यांना थकीत मानधन जुन्या पध्दतीने प्रकल्प कार्यालयाद्वारे देण्यात यावे अशा विवीध मागण्या करण्यात आल्या आहेत.

मोर्चाचे नेतृत्व संघटनेच्या अध्यक्षा मायाताई परमेश्वर, कार्याध्यक्ष युवराज बैसाणे, रामकृष्ण पाटील यांनी केले.मोर्चा यशस्वीतेसाठी महाराष्ट्र राज्य अंगणवाडी कर्मचारी संघटनेचे उपाध्यक्ष अ‍ॅड.गजानन थडे, संघटक सचिव राजीव पाटील, सुधीर परमेश्वर, अमोल बैसाणे, रविंद्र ब्राम्हणे, मोहिनी पाटील, मनिषा मोरे, मिना पवार, इंदिरा पाडवी, कमल शिंदे, विद्या मोरे, लता गावित, राखी पाडवी, विजया वसावे, चंद्रकला चव्हाण आदींनी परिश्रम घेतले.

Leave a Comment

Your email address will not be published. Required fields are marked *

*

error: Content is protected !!