Type to search

Breaking News maharashtra आवर्जून वाचाच नंदुरबार मुख्य बातम्या

सुरत-अमरावती, खान्देश एक्सप्रेस नियमित सुरू होणार : उधना पाळधी मेमू ट्रेन भुसावळपर्यत धावणार

Share

नंदुरबार ।  प्रतिनिधी :  जळगाव-भुसावळदरम्यान 24 कि.मी.ची तिसरी लाईन सुरु झाल्यास उधना-पाळधी मेमू ट्रेन भुसावळपर्यंत वाढविण्यात येणार आहे. तसेच सुरत-अमरावती एक्सप्रेस व खान्देश एक्सप्रेस नियमीत सुरु करण्यात येणार असल्याची माहिती रेल्वेच्या सुत्रांकडून मिळाली.

जळगाव-भुसावळ या 24 कि.मी. अंतरावर तिसरी रेल्वे लाईन सुरु करण्यात येणार आहे. या लाईनमुळे उधना-पाळधी मेमू ट्रेन भुसावळपर्यंत वाढविण्यात येणार आहे. तसेच आठवडयातून तीन दिवस असणार्‍या सुरत-अमरावती व खान्देश एक्सप्रेस नियमीत सुरु करण्यात येणार आहेत. उधना-दानापूर एक्सप्रेसदेखील आठवडयातून चार वेळा धावणार आहे.

जळगाव-भुसावळ या मार्गावर तिसरी लाईन सुरु झाल्याने नाशिक-मुंबई रेल्वेंचा मार्ग वेगळा होणार आहे. तसेच ताप्ती लाईनचाही मार्ग वेगळा होणार आहे. या मार्गावर वाहतूकीचा खोळंबा थांबणार असून रेल्वे क्रॉसिंगची समस्या दूर होणार आहे.

याच धर्तीवर सुरत-उधना दरम्यान तिसर्‍या रेल्वेमार्गाची निर्मिती करण्यात येणार आहे. येत्या जुलै महिन्यापासून या कामाला सुरुवात होणार आहे. मागच्या वर्षी ऑगस्ट महिन्यात या तिसर्‍या मार्गाला रेल्वे मंत्रालयाकडून मंजूरी मिळाली आहे. ताप्ती लाईनच्या रेल्वे मेन रेल्वेमार्गाने उधना पर्यंत जातात. तेथे क्रॉस ओव्हर बदलून ताप्ती लाईनवर शिफ्ट होते.

यात पंधरा मिनीटांचा कालावधी लागतो. तिसर्‍या लाईनमुळे ताप्ती लाईनच्या रेल्वेंना उधनापर्यंत पोहचण्यासाठी 6 ते 7 मिनीटे लागणार आहेत. त्यामुळे वेळेची बचत होणार आहे.

दरम्यान, पश्चिम रेल्वेने बांद्रा-गोरखपूर एक्प्रेसमध्ये अतिरिक्त एसी 3 टायर व दोन शयनयान डबे जोडण्याचा निर्णय घेतला आहे. या रेल्वेत स्लिपरचे 144 आसने व एसीच्या 72 आसने वाढणार आहेत.

ऑगस्ट महिन्यात ताप्ती लाईनच्या 10 रेल्वे 20 ते 30 मिनीटात आणि मेन लाईनच्या 10 रेल्वे 5 ते 10 मिनीटात वेग घेणार आहेत. 1 जुलैपासून रेल्वेचा नवीन वेळापत्रक लागू करण्यात येणार आहे. रेल्वेचा वेग वाढवून त्यांचा रनिंग टाईम कमी करण्यात येणार आहे. गेल्या ऑगस्ट महिन्यातदेखील काही रेल्वेंचा वेग वाढविण्यात आला होता.

यात वाराणसी-उधना एक्प्रेसमधील यात्रेकरुंना लाभ झाला होता. वाराणसी-उधना एक्प्रेस पश्चिम रेल्वे झोनमध्ये जबलपूरहून इटारशीदरम्यान 60 मिनीट वेग वाढवून अंतर एक तासाने कमी करण्यात आले होते.

आता ताप्ती लाईनवरील उधना-दानापूर, उधना-वाराणसी, नवजीवन एक्प्रेस, हिसार-सिकंदराबाद, श्रीगंगानगर-नांदेड, वडोदरा-वाराणसी महामना, ओखा-रामेश्वरम, अहमदाबाद-हावडा, पुरी-अजमेर, अहमदाबाद-पुरी या एक्प्रेस गाडयांचा वेग 30 मिनीटाने वाढविण्यात आल्याने गावांमधील अंतर लवकर पार करुन प्रवाशांना बाहेर गावी जाण्यासाठी लागणार्‍या वेळेत बचत होणार आहे.

Leave a Comment

Your email address will not be published. Required fields are marked *

*

error: Content is protected !!