Type to search

कनिष्ठ महाविद्यालयीन शिक्षक महासंघाचे राज्यअध्यक्ष प्रा. अनिल देशमुख कार अपघातात ठार

Breaking News maharashtra नंदुरबार मुख्य बातम्या

कनिष्ठ महाविद्यालयीन शिक्षक महासंघाचे राज्यअध्यक्ष प्रा. अनिल देशमुख कार अपघातात ठार

Share

शहादा  | प्रतिनिधी  :  कनिष्ठ महाविद्यालयीन शिक्षक महासंघाचे राज्यअध्यक्ष प्रा. अनिल देशमुख हे शहादयाजवळ झालेल्या कार अपघातात जागीच ठार झाले. तर त्यांच्या पत्नीसह चार जण जखमी झालेत.अनिल देशमुख हे खाजगी गाडीने कुटुंबियांनसह सकरानी (पानसेमल) येथे जात असतांना त्यांच्या कारला अपघात होऊन डोक्याला जबर मार लागल्याने ते ठार झाले ही घटना लोणखेडा बायपास रस्त्यावर शहादा माहाविद्यालयाच्या पुढे मयूर पेट्रोल पंपांनजिक घडली

याबाबत पोलीस सूत्रांनी दिलेल्या माहितीनुसार कनिष्ठ महाविद्यालयीन शिक्षक महासंघाचे राज्यअध्यक्ष प्रा. अनिल देशमुख हे आपले खासगी वाहन मारुती वॅग्नार क्रमांक एम एच १८ एजे ५४६६ ने आपल्या कुटुंबीयांसमवेत सक्राळी ता पानसेमल ( म. प्र. ) येथे नातेवाईकांना पाहण्यासाठी जात असताना लोणखेडा खेतीया रस्त्यावरील मयूर पेट्रोलपंजावल त्यांच्या गाडीला अपघात झाला. रस्त्याच्या उजव्या बाजूकडून अचानक तीन चार महिला रस्ता ओलांडत असल्याचे गाडी चालक असलेला त्यांचा शालक कुलदीप बटेसिंग रावल यांना दिसल्याने त्यांनी गाडीचा ब्रेक दाबला.

त्यामुळे गाडीने तीने तीन ते चार पलटी होऊन रस्त्या लगतच्या खोल भागात पडली. त्यामुळे पुढे बसलेले अनिल देशमुख यांच्या डोक्याला जबर मार बसल्याने मेंदूतील अति रक्त स्राव झाला त्याना लागलीच नागरीकानी शहरातील सार्थक क्रिटीकेअर सेंटर येथे आणले. मात्र वैद्यकीय अधिकारयांनी त्यांना मृत घोषीत केले.

या अपघातात चार जण जखमी झाले त्यात कुलदिप भटेसिंग रावल वय ३४ रा. दोंडाईचा ( शालक ) यांना सार्थक हॉस्पिटल येथे तर उर्मिला अनिल देशमुख वय ४५ (पत्नी), भार्गव अनिल देशमुख वय १९ (मुलगा) , हरवाबाई बटेसिंग रावल वय ६५ (सासु ) यांना रुखमिणी हॉस्पिटल, शहादा येथे उपचारासाठी दाखल करण्यात आले आहे

अपघाताची माहिती मिळताच जि. प. सदस्य अभिजित पाटील, नगरसेवक संदिप पाटील, रविंद्र जमादार, भाजपाचे शहर अध्यक्ष जितेंद्र जमदाळे, कनिष्ठ महाविद्यालयीन संघटनेचे नंदुरबार जिल्हाध्यक्ष प्रा भरत देसले, समन्वयक प्रा. डी. सी. पाटील, खजिनदार प्रा. गणेश सोनवणे, तालुका अध्यक्ष प्रा आय. डी. पाटील , प्रा. जे. बीं पवार, प्रा. डी. एन. वाघ, प्रा. पी. यु. धनगर आदींनी धाव घेतली

यावेळी शिक्षक व नातेवाईकांनि रुग्णालयात मोठी गर्दीकेली होती त्यांच्यावर शहादा ग्रामीण रुग्णालयात शवविच्छेदन करण्यात आले त्यांच्या मूळ गावी पिंपळगाव हरे. (ता.पाचोरा) रात्री उशिरा अंत्यसंस्कार करण्यात आले शहादा पोलिसांत अपघाताची नोंद करण्यात आली असून तपास उपनिरीक्षक राजेंद्र पाटील करीत आहेत

लडवैय्या शिक्षक नेता हरपला

प्रा. देशमुख हे साठे महाविद्यालय, विले पार्ले, मुंबई येथे प्राध्यापक म्हणून कार्यरत होते त्यांचे मुळ गाव येथील पिंपळगाव हरे. (ता.पाचोरा, जि. जळगाव)असून ते गत चार वर्षांपासून कनिष्ठ महाविद्यालयीन शिक्षक महासंघाचे राज्य अध्यक्ष म् होते. त्यापूर्वी त्यांनी महासंघाचे सचिवपद सांभाळले होते.त्यांच्या कार्यकाळात झालेली सर्व आंदोलने यशस्वी होण्यासह शिक्षकांचे अनेक प्रलंबीत प्रश्न मार्गी लावलेत. शिक्षकांच्या आग्रहास्तव त्यांनी मुंबई शिक्षक मतदारसंघाची निवडणूकहीलढवली होती. त्यांच्या अपघाती निधनाने कनिष्ठ महाविद्यालयीन शिक्षण क्षेत्रात हळहळ व्यक्त होत असून शिक्षकांचा लढवय्या नेता हरपल्याचे भावना व्यक्त होत आहे

Leave a Comment

Your email address will not be published. Required fields are marked *

*

error: Content is protected !!