Type to search

नवापूरला महापूरानंतरही पुलाची स्थिती‘जैसै थे’

maharashtra आवर्जून वाचाच नंदुरबार

नवापूरला महापूरानंतरही पुलाची स्थिती‘जैसै थे’

Share

नवापूर । प्रतिनिधी :  गेल्यावर्षी आलेल्या महापुरात नुकसान होवूनही येथील पुलाची स्थिती जैसे थेच आहे. या पुलाची दुरुस्ती करण्याची मागणी होत आहे.

शहरात गेल्या 10 ऑगष्टला महापूर आला होता. यावेळी पुराच्या पाण्याने थैमान मांडले होते. या महापूरामुळे शहरातील नदीकिनार्‍यावरिल अनेक परिवाराचे संसार उध्वस्त झालेत. त्या महापूराचा दिवस शहरातील नागरिक विसरायचा प्रयत्न करत आहे. काही तर विसरलेदेखील. परंतु स्टेशनवर जाण्यासाठी सामाजिक बांधकाम विभागाच्या कार्यालयाजवळील पूल, नवी होंडा, शनिवर बाजार जवळील पूलाची अवस्था पाहून पुन्हा 10 ऑगष्टची आठवण ताजी होते.

नागरिक चिंतेत पडताना दिसतात. कारण या पुलांची जी दूरवस्था आहे, ती जैसे थे आहे. प्रशासनाला या पूलांना दुरुस्त करण्यासाठी वेळ नाही. हा एक सध्या चर्चेचा विषय बनला आहे. करोडो रुपये खर्च करून बांधकाम केलेल्या पूलांची अवस्था 10 महिन्याचा कालावधी उलटला तरी दुरूस्त होत नाही तर शहरातील इतर लहान पूलांची व रस्त्यांची अवस्था कधी सुधारेल? हा एक प्रश्नदेखील विचारला जात आहे.

आज हे दोन्ही मार्ग अत्यंत महत्त्वाचे असून शहरात दळणवळणाची महत्त्वाचे आहेत. हा मार्ग बंद पडला तर शहरातून स्टेशन व महामार्गावर जाण्यासाठी पेट्रोल पंप जवळून जवळजवळ एक किमीचा फेरा करूनच जावे लागेल. विशेष म्हणजे 10 महिन्यापुर्वी या पूलाचा कठड्यावर अटकलेला चारा, पाला, पाचोळादेखील जैसे थे आहे. आता पुन्हा पावसाळा काही दिवसांवर आल्याने या पूलांना दुरुस्त करणे आवश्यक आहे. प्रशासनाकडे या पूलांना दुरुस्त करण्याची मागणी परिसरातील नागरिकांकडून होत आहे.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!